આ એક્ટ્રેસે બનાવી ગણેશજીની ઇકો-ફ્રેન્ડલી પ્રતિમા, જાણો શું છે તેની ખાસિયત

મુંબઇઃ આજે આખા દેશમાં ગણેશ ચતુર્થીનો ઉત્સવ મનાવવામાં આવી રહ્યો છે. આજે તમામ લોકો પોતાના ઘરે ગણેશજીની સ્થાપના કરી રહ્યા છે ત્યારે બોલિવૂડ એક્ટ્રેસ રિચા ચઢ્ઢાએ પણ ગણેશોત્સવ નિમિતે એક નવી પહેલ શરૂ કરી છે. રિચાએ અહીં ટ્રી ગણેશ કેન્દ્રમાં જઇને ઇકો ફ્રેન્ડલી ગણેશજીની પ્રતિમા ખરીદી હતી. આ મૂર્તિઓની ખાસિયત એ છે કે આ મૂર્તિઓ એવી રીતે ડિઝાઇન કરવામાં આવી છે કે વિસર્જન કર્યા બાદ તેમાંથી છોડ વિકસિત થશે. 

રિચાએ કહ્યું કે, હું આ સમર્થનથી ખુશ છું. મને લાગે છે કે તહેવારના નામ પર પર્યાવરણને પ્રદુષિત કરવાનું બંધ કરવું જોઇએ. જેથી તેને ટ્રી ગણેશનો આઇડિયા સારો લાગ્યો છે.