Hun To Bolish : હું તો બોલીશ : હોસ્ટેલમાં હિંસા

Hun To Bolish : હું તો બોલીશ : હોસ્ટેલમાં હિંસા

જુનાગઢની આલ્ફા ઈન્ટરનેશનલ સ્કૂલ...જેની હોસ્ટેલમાં હિંસાની ઘટના બની....હોસ્ટેલમાં વિદ્યાર્થીને કેટલાક વિદ્યાર્થી માર મારતો વીડિયો વાયરલ થયો...હોસ્ટેલના વાયરલ થયેલા આ દ્રશ્યો જુઓ.. પહેલા તો એક વિદ્યાર્થી ધોરણ 11ના વિદ્યાર્થી પર થપ્પડોનો વરસાદ કરતો રહ્યો.. આ જોઈને અન્ય બે વિદ્યાર્થીઓએ પણ વિદ્યાર્થીને લાતો અને થપ્પડ મારવાનું શરૂ કરી દીધુ....હોસ્ટેલમાં થયેલ મારામારીની ઘટના બાદ પીડિત વિદ્યાર્થીના સમાજમાં પણ ભારે રોષ જોવા મળી રહ્યો છે.. ઉપલેટામાં સમાજની બેઠક મળી.. જેમાં સમાજના અગ્રણીઓએ સંચાલકો વિરૂદ્ધ આકરા પગલા ભરવાની માગ કરી..હોસ્ટેલમાં વિદ્યાર્થી સાથે મારામારીની ઘટના બાદ પોલીસ પણ એક્શનમાં આવી....સી ડિવિઝન પોલીસે હોસ્ટેલ સંચાલકને રેકોર્ડ સાથે હાજર રાખીને પૂછપરછ કરી...વિદ્યાર્થીઓ વચ્ચેની મારજૂડના તમામ વીડિયો હોસ્ટેલના હોવાનું સામે આવ્યું છે....એટલુ જ નહીં શાળા સંચાલકની પણ આ કેસમાં પોલીસ પુછપરછ કરી શકે છે....હોસ્ટેલમાં રહેતા વિદ્યાર્થીઓ એક જ શાળાને કે પછી અન્ય શાળાના તેની પણ તપાસ કરવામાં આવી રહી છે.....સમગ્ર કેસમાં ગંભીરતા દાખવી જિલ્લા કલેક્ટરે પણ તપાસના આદેશ આપ્યા છે...ડીવાયએસપી, જિલ્લા શિક્ષણાધિકારી સહિતનાઓની તપાસ સમિતિની રચના કરવામાં આવી છે...તપાસ સમિતીને હોસ્ટેલની મુલાકાત કરી વહેલી તકે રિપોર્ટ કલેક્ટરને રજૂ કરવા આદેશ કર્યો છે...આ મુદ્દે શિક્ષણમંત્રીએ પ્રતિક્રિયા આપતા કહ્યું કે રાજ્યમાં બનતી આવી ઘટનાઓ સામે કડક કાર્યવાહી કરવામાં આવશે.. મુખ્યમંત્રીની સ્પષ્ટ સૂચના છે કે જ્ઞાનના મંદિરમા આવી ઘટના સાંખી નહીં લેવાય.. સમગ્ર ઘટનાનો રિપોર્ટ મંગાવ્યો છે.. જિલ્લા શિક્ષણાધિકારીના રિપોર્ટ બાદ જવાબદાર વિરૂદ્ધ કાર્યવાહી થશે..