સાધ્વી જયશ્રીગીરી વિરુદ્ધ વધુ એક ખુલાસો, યુવતીના અપહરણ બદલ થઇ હતી ફરિયાદ

અમદાવાદઃ વિવાદીત સાધ્વી જયશ્રીગીરીના ગુનાહિત કૃત્યનો વધુ એક ખુલાસો થયો છે. સાધ્વી અને તેની બહેન રમીલા વિરુદ્ધ એક યુવતીના અપહરણની ફરિયાદ દાખલ કરવામાં આવી હતી. ABP અસ્મિતા પાસે આ ફરિયાદની એફઆરઆઇ કોપી પણ છે.

મળતી વિગતો અનુસાર, જયશ્રીગીરી અને તેમની બહેન રમીલા વિરુદ્ધ વર્ષ 2010માં એક યુવતીના અપહરણની ફરિયાદ નોંધવામાં આવી હતી. ફરિયાદ યુવતીના પરિવાર દ્ધારા દાખલ કરવામાં આવી હતી. ફરિયાદમાં જયશ્રીગીરી અને તેમની બહેન રમીલા અને હસુમતીના નામનો ઉલ્લેખ કરવામાં આવ્યો છે. સંબંધો અને વિશ્વાસ કેળવીને અપહરણની ફરિયાદ દાખલ કરવામાં આવી હતી. બહુચરાજી પોલીસ સ્ટેશનમાં આ અંગેની ફરિયાદ દાખલ કરાઇ હતી.