જયશ્રીગીરીના છેતરપિંડી કાંડમાં ઉછળ્યું હાઉસિંગ બોર્ડના પૂર્વ ચેરમેન જયંતિ બારોટનું નામ, સામે આવી ઓડિયો ક્લિપ

અમદાવાદઃ જયશ્રીગીરી પર ચોટીલા મંદિરના નવલગીરીએ વડોદરાના ગોરવા વિસ્તારમાં હાઉસિંગની સ્કીમમાં પ્લોટ અપવાવના નામે સવા કરોડ રૂપિયા લઈ છેતરપિંડી કરી હોવાનો આરોપ લગાવ્યો છે. આ મામલે પોલીસ સ્ટેશનમાં ફરિયાદ પણ અપાઇ રહી છે. સૌથી મોટી વાત આરોપો સાથે લગાવાઇ છે કે, રૂપિયાની લેવડ દેવડનો આ વહીવટ અમદાવાદના એનએક્સીમાં થયો હતો. નવલગીરીના પુત્રએ તેમના પરિચીત ચેતન પંચાલ મારફતે આ રૂપિયા પહોંચાડ્યા હોવાના આરોપમાં ભાજપના નેતા જયંતિ બારોટ સામે પણ આંગળી ચિંધાઇ રહી છે. એબીપી અસ્મિતાને હાથ લાગેલી ઑડિયો ક્લિપમાં ચેતન પંચાલ અને જયશ્રીગીરી વચ્ચેનો સંવાદ છે. આ સંવાદમાં જયશ્રીગીરી વારંવાર જયંતિ બારોટના નામનો ઉલ્લેખ પણ કરે છે.