સુરેન્દ્રનગર : શહેરની મધ્યમાં રહેણાક વિસ્તારમાં હુક્કાબાર ઝડપાયું, 16 વ્યક્તિઓ ઝડપાયા

સુરેન્દ્રનગર શહેરની મધ્યમાં રહેણાક વિસ્તારમાં આવેલ એક કોમ્પલેક્ષમાંથી પોલીસે હુક્કા બાર ઝડપી પાડ્યું છે. આ હુક્કાબારમાંથી પોલીસે અંદાજે 16 વ્યક્તિઓને દારૂ અને હુક્કાબારની મહેફિલ માણતા ઝડપી પાડ્યા છે.  હુક્કાબારમાં 2 કાર, 3 બાઈક, ઇંગ્લિશ દારૂ સહિત ફૂલ રૂ.15.61 લાખનો મુદ્દામાલ કબજે કર્યો છે. આ હુક્કાબારમાંથી બે થી ત્રણ યુવતીઓ નાસી  છૂટી હોવાની પણ ચર્ચાઓ થઇ રહી છે. અમદાવાદ, ગાંધીનગર અને પાટડી સહિતના વિસ્તારોમાંથી યુવકો મહેફિલ માણવા આ હુક્કાબારમાં આવતા હોવાનું સામે આવ્યું છે.