Gujarat Rain Update: ગુજરાતમાં મેઘરાજાની ધબધબાટી, જુઓ ક્યાં કેટલો પડ્યો વરસાદ?

પ્રિ-મોનસૂન એક્ટિવિટીના ભાગરૂપે સુરત શહેરમાં વરસ્યો પવન સાથે ધોધમાર વરસાદ.. ઉધના, પાંડેસરા, અઠવાગેટ, ભટાર સહિતના વિસ્તારોમાં ભારે પવન સાથે વરસાદ વરસ્યો.. તાપી નદી કાંઠા પરના જહાંગીરપુરા, અડાજણ અને રાંદેર વિસ્તારમાં પણ મેઘરાજાએ જોરદાર બેટિંગ કરી.. બીજી તરફ ડુમસ, નાનપુરા, વરાછા, કતારગામ, સચિન સહિતના વિસ્તારોમાં પણ સારોવ રસાદ વરસ્યો.. ધોધમાર વરસાદને લીધે નોકરી ધંધે જતા લોકો, ફેક્ટરી અને ડાયમંડ યુનિટમાં જતા રત્નકલાકારોની સાથે શાળા-કોલેજે જતા વિદ્યાર્થીઓને પણ ભારે હાલાકી ભોગવવાનો વારો આવ્યો.. ધોધમાર વરસેલા પ્રથમ વરસાદે મહાનગરપાલિકાની પ્રિ-મોનસૂન કામગીરીની પણ પોલ ખોલી નાંખી.. ઉધના વોટર વર્કસ નજીકના મુખ્ય માર્ગો પર વરસાદી પાણીના સામ્રાજ્ય વચ્ચે સ્થાનિકોને પસાર થવા મજબુર થવુ પડ્યુ.. તો પાંડેસરા-બમરોલી વિસ્તાર... જ્યાં વરસાદી પાણીના કહેરમાં જનજીવન પ્રભાવિત થયું.. શ્રીરામ નગર પાસે જાહેર રસ્તા પર જ વરસાદી પાણી ભરાતા વાહન ચાલકો મુશ્કેલીમાં મુકાયા.. નીચાણળાવા વિસ્તારોમાં પાણી ભરાવાથી સ્થાનિકોએ ડ્રેનેજ વ્યવસ્થાને લઈને રોષ વ્યક્ત કર્યો.. એટલુ જ નહીં.. સત્વરે વરસાદી પાણીના નિકાલ સામે મનપા યોગ્ય કાર્યવાહી કરે તેવી પણ સ્થાનિકોએ માગ કરી.. ડિંડોલી વિસ્તારમાં પણ વરસાદે ખોલી નાંખી પાલિકાની પોલ.. ડિંડોલી વિસ્તાર અને ભીમનગર રેલવે ગરનાળું વરસાદી પાણીથી જળબંબાકાર થયુ.. વરસાદી પાણીના ભરાવા વચ્ચે વાહન ચાલકો મહામહેનતે પસાર થતા જોવા મળ્યા.. આવી જ હાલત લિંબાયત ગરનાળાની જોવા મળી.. પ્રિ-મોનસૂનની કામગીરી માટે મનપા દર વર્ષે કરોડોનો ખર્ચ કરવાનો દાવો તો કરે છે.. પણ જુઓ મનપાના આ દાવા પહેલા જ ધોધમાર વરસાદમાં પોકળ સાબિત થતા જોવા મળ્યા.. લિંબાયત ગરનાળા પર વાહનોના પૈંડા ડુબી જાય તેટલા પાણી ભરાતા સ્થાનિકોને ભારે હાલાકી ભોગવવાનો વારો આવ્યો.. ઉધનાથી ડિંડોલી અને લિંબાયતને જોડતા રેલવે અંડરપાસમાં પણ વરસાદી પાણીનું સામ્રાજ્ય જોવા મળ્યુ.. ઉધના દરવાજા સામેના મુખ્ય માર્ગ પર તો ઘુંટણસમા પાણી ભરાયા.. ધોધમાર વરસાદથી હાઈવે જેવા વ્યસ્ત રોડ પર જળબંબાકારની સ્થિતિ સર્જાતા વહીવટી પ્રશાસનની કામગીરી પર સવાલો ઉઠ્યા. ઘુંટણસમા પાણી ભરાતા વાહન ચાલકો અને રાહદારીઓ પણ મુશ્કેલી વેઠતા જોવા મળ્યા.. ઉધના બસ ડેપોથી સચિન હાઈવે પર તો સૌથી વધુ  ગંભીર દ્રશ્યો સર્જાયા.. રોડનો એક સાઈડનો ભાગ આખો પાણીમાં ગરકાવ થયો.. રોડ વરસાદી પાણીમાં ગરકાવ થતા વાહનોની લાંબી લાંબી કતારો જોવા મળી.. તો ડિંડોલી બ્રિજ પર પણ વાહનોના થપ્પા જોવા મળ્યા.. વરસાદી માહોલ વચ્ચે ડિંડોલી બ્રિજ પર ટ્રાફિક જામ થતા કલાકો સુધી વાહન ચાલકો ટ્રાફિકમાં ફસાયા..