Weather Update: રાજ્યમાં ગરમીના ગ્રાફમાં સતત વધારો, બુધવારે 6 શહેરોમાં ૪૫થી વધુ તાપમાન નોંધાયુ

રાજ્યમાં ગરમીના ગ્રાફમાં સતત વધારો થઈ રહ્યો છે...અને હજુ પણ ગરમીમાંથી રાહત મળવાની શક્યતા નહીંવત છે. હવામાન વિભાગેપાંચ દિવસ ગુજરાતમાં ભીષણ ગરમીની આગાહી કરી છે. બુધવારે 6 શહેરોમાં ૪૫થી વધુ તાપમાન નોંધાયુ..તો 13 શહેરોમાં 43થી વધુ મહત્તમ તાપમાન નોંધાયું..18 શહેરોમાં 40થી વધુ ડિગ્રી ગરમી નોંધાઈ. જેમાં હિંમતનગર અને કંડલામાં સૌથી વધુ 46.1 ડિગ્રી મહત્તમ તાપમાન રહ્યું. તો સુરેંદ્રનગરમાં 45.9, ગાંધીનગરમાં 45.7 ડિગ્રી પર પહોંચ્યો ગરમીનો પારો. જ્યારે 12થી વધુ શહેરોમાં હિટવેવની અસર છે. હવામાન વિભાગના અનુસાર, આગામી પાંચ દિવસ ગુજરાતમાં પડશે કાળઝાળ ગરમી. હવામાન વિભાગના મતે, અમદાવાદ, ગાંધીનગર, સુરેન્દ્રનગર, ભાવનગર, જૂનાગઢ, અમરેલી, રાજકોટ, કચ્છ, બનાસકાંઠા,સાબરકાંઠા, મહેસાણા, પાટણ, આણંદ, સુરત અને વલસાડ જિલ્લામાં પડશે અંગ દઝાડતી ગરમી..