Saurashtra Rain : સૌરાષ્ટ્રના કયા કયા જિલ્લામાં ખાબક્યો વરસાદ?

અમરેલી જિલ્લામાં વરસ્યો ધોધમાર વરસાદ. લીલીયા, રાજુલા પંથકમાં વરસ્યો ધોધમાર વરસાદ.. રાજુલા શહેરના અલગ અલગ વિસ્તારોમાં ધોધમાર વરસાદ વરસ્યો ધોધમાર વરસાદને પગલે રાજુલા શહેરના રસ્તાઓ પાણી પાણી થયા.. નીચાણવાળા વિસ્તારોના રસ્તાઓ પર વરસાદી પાણી ભરાયા. તો બજારમાંથી પણ વાહનોના પૈંડા ડુબી જાય તેટલા વરસાદી પાણી ફરી વળ્યા. તો રાજુલાના ડુંગર, કુંભારીયા, છતડીયા, હિંડોરમા, જુની માંડરડી, વિકટર, ખેરા, ચાંચ, કથીવદર સહિતના ગ્રામ્ય વિસ્તારોમાં પણ પવન સાથે ધોધમાર વરસાદ વરસ્યો.. ગ્રામ્ય વિસ્તારોમાં વરસેલા વરસાદથી ખેડૂતો પણ ખુશખુશાલ જોવા મળ્યા.. 

ભાવનગર જિલ્લામાં પણ વરસ્યો વરસાદ.. સતત બીજા દિવસે મહુવા તાલુકાના ગ્રામ્ય વિસ્તારોમાં ધોધમાર વરસાદ વરસ્યો.. કાળા ડિબાંગ વાદળો સાથે બગદાણા, મોણપર સહિતના ગ્રામ્ય વિસ્તારોમાં ધોધમાર વરસાદ વરસ્યો. ધોધમાર વરસાદને પગલે રસ્તાઓ પરથી વરસાદી પાણી વહેતા થયા.. બીજીબાજુ તાતી જરૂરીયાત વચ્ચે વરસાદ વરસતા જગતનો તાતના ચહેરા પણ ખિલી ઉઠ્યા..