સંરક્ષણ ડીલ માટે રોલ્સ રોયસ કંપનીએ ભારતીય એજન્ટને આપ્યા 82 કરોડ રૂપિયા

એક બ્રાઝીલ સમાચારપત્રએ હાલમાં જ આરોપ લગાવ્યો હતો કે, કંપનીએ સાઉદી અરબ અને ભારતમાં ડીલ મેળવવા માટે વચેટીયાની સેવા લીધી હતી. ભારતના સંરક્ષણ નિયમો અનુસાર આ પ્રકારની ડીલમાં વચેટીયા પર કડક રીતે પ્રતિબંધ છે. બ્રાઝીલના સમાચારપત્ર ફોલ્હા ડિ સાઓ પાઉલોએ લખ્યું હતું કે, કંપનીએ બ્રિટેનમાં રહેનારા એક સંરક્ષણ એજન્ટને ભારતની સાથે ડીલને આખરી રૂપ આપવા માટે કથિત રીતે દલાલી ચૂકવી હતી.

આ પહેલા સીબીઆઈને એમ્બ્રાયર એરક્રાફ્ટ ડીલની શરૂઆતની તપાસમાં જાણવા મળ્યું હતું કે, અંદાજે 36.5 કરોડ રૂપિયા કમીશન તરીકે આપવામાં આવ્યા છે. સીબીઆઈનું કહેવું હતું કે, બ્રાઝીલની કંપની સાથે થયેલ ડીલમાં કમીશનની રકમ વિદેશમાં આપવામાં આવી.