મોતથી બચવા માટે મહિલાઓના કપડા પહેરી ભાગી રહ્યા છે ISના આતંકીઓ

આતંકીઓ બચવા માટે સામાન્ય નાગરિકોને ઢાલ બનાવી રહ્યા છે. આતંકીઓએ હવાઇ હુમલાથી બચવા માટે તેલના કુવાઓને આગ લગાવી દીધી હતી. બ્રિટિશ સમાચારપત્ર ધ સનમાં છપાયેલી રિપોર્ટ પ્રમાણે, મહિલાઓના કપડામાં આઇએસના આતંકીઓને મોસુલ બહારથી પકડવામાં આવ્યા હતા.

નોંધનીય છે કે ઇરાક સ્થિત મોસુલને આઇએસનો ગઢ માનવામાં આવે છે. ઇરાકી અને કુર્દીશ સૈન્ય સિવાય પશ્વિમી દેશોએ અહીં ઇસ્લામિક સ્ટેટ વિરુદ્ધ ચાર દિવસ પહેલા અંતિમ યુદ્ધ છેડી દીધું છે. પોતાના ગઢમાં જ ઘેરાયેલા આતંકીઓએ બચવા માટે તમામ પ્રયાસો કરી રહ્યા છે.