![ABP Premium](https://cdn.abplive.com/imagebank/Premium-ad-Icon.png)
Crime News: મહિલાઓને નગ્ન થઈ પૂજા કરવાનું કહેતો હતો આ તાંત્રિક, અનેક મહિલાઓ પર દુષ્કર્મ કર્યાની આશંકા
આરોપીઓનું નેટવર્ક અજમેર સહિત દેશભરમાં ફેલાયેલું હતું. શિષ્યો અને અંધ ભક્તોની મદદથી તે લોકોના ઘરમાં પ્રવેશતો. પછી તે મહિલાઓને કપડાં ઉતારવા અને સાથે પૂજા કરવાનું કહેતો. આ દરમિયાન તે બળાત્કાર કરતો.
Rajasthan Crime News: તંત્ર મંત્રના નામે મહિલાઓ સાથે દુષ્કર્મ જેવી ઘટનાઓને અંજામ આપનાર દંભી તાંત્રિકને અજમેર પોલીસે ઝડપ્યો છે. ધરપકડ બાદ ઢોંગી બાબા સતત પોલીસને ગેરમાર્ગે દોરી રહ્યો છે. પોલીસનું કહેવું છે કે મહિલાઓ બદનામીના ડરથી આગળ નથી આવતી. આરોપીની પૂછપરછમાં વધુ અનેક ખુલાસા થવાની શક્યતા છે. આરોપીઓનું નેટવર્ક અજમેર સહિત દેશભરમાં ફેલાયેલું હતું. શિષ્યો અને અંધ ભક્તોની મદદથી તે લોકોના ઘરમાં પ્રવેશતો. પછી તે મહિલાઓને કપડાં ઉતારવા અને સાથે પૂજા કરવાનું કહેતો. આ દરમિયાન તે બળાત્કાર કરતો. અજમેરની એક છોકરી ઢોંગી બાબાની મીઠી વાતોમાં ફસાઈ ગઈ. ભૂત પ્રેત ભગાવવાનો દાવો કરી યુવતી સાથે દુષ્કર્મ કરનારો ઢોંગી તાંત્રિક દિલ્હીમાં ટેક્સી ચલાવતો હતો.
49 વર્ષીય રાજેન્દ્ર કુમાર વાલ્મિકી તાંત્રિક પૂજા કરતા પહેલા મહિલાઓને નગ્ન થઈને તેની સાથે પૂજા કરવા કહેતો હતો. તેણે ઘણી મહિલાઓ પર બળાત્કાર પણ કર્યો છે. તંત્ર સાધનાના નામે તેણે લગભગ 400 લોકોને નિશાન બનાવ્યા હોવાનું પણ સામે આવી રહ્યું છે. 22 વર્ષની પીડિતાની ફરિયાદ બાદ જ્યારે આ મહિનાની 19મી તારીખે રાજેન્દ્ર કુમાર પકડાયો હતો, ત્યારથી તેની સામે અનેક ખુલાસા થઈ રહ્યા છે.
10 વર્ષ પહેલા દિલ્હીમાં ચલાવતો હતો ટેક્સી
રાજેન્દ્ર કુમાર વિશે ખુલાસો થયો છે કે તે દિલ્હીનો રહેવાસી છે. પોલીસ તપાસમાં એવું પણ જાણવા મળ્યું છે કે લગભગ 10 વર્ષ પહેલા તે ટેક્સી ચલાવતો હતો. જો કે આ ધંધામાં તેને ખાસ કમાણી થતી નહોતી. તેથી તેણે લોકોને ભૂત-પ્રેતનો ડર બતાવવાનું શરૂ કર્યું અને તે પોતાને તાંત્રિક કહેવા લાગ્યો. તેનો દાવો છે કે તેણે પોતાની તંત્ર વિદ્યાથી લગભગ 400 લોકોને સાજા કર્યા છે. પરંતુ પોલીસની તપાસ જેમ જેમ આગળ વધી રહી છે તેમ તેમ એ પણ જાણવા મળી રહ્યું છે કે આ તાંત્રિક છેડતી માટે કોઈપણ હદ સુધી જઈ શકે છે.
જુગાર અને સટ્ટાબાજીનો પણ શોખીન
એવી પણ આશંકા છે કે આ તાંત્રિક પર બળાત્કારનો આરોપ મૂકનાર અજમેરની મહિલાના કોઈ સંબંધી પર પણ આ તાંત્રિકે બળાત્કાર કર્યો હતો. અજમેરના આદર્શ નગર પોલીસ અધિકારી સુગન સિંહે જણાવ્યું કે આ તાંત્રિકની સાથે અન્ય ઘણા લોકો પણ આ ગંદી રમતમાં સામેલ હતા. પોલીસ તેનો મોબાઈલ પણ ચેક કરી રહી છે. તેને જુગાર અને સટ્ટાબાજીનો પણ શોખ હોવાનું પ્રાથમિક તપાસમાં બહાર આવ્યું છે. જો કે હવે પોલીસ એ જાણવાનો પ્રયાસ કરી રહી છે કે આ તાંત્રિકના ગુનાના મૂળ કેટલા ઊંડા છે.
આ પણ વાંચોઃ
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)