Agriculture Machinery: ફાર્મ મશીનરી બેંક ખોલવા ખેડૂતોને મળશે 80 ટકા સબસિડી, અહીં કરો અરજી

Farm Machinery Bank : આ યોજનાની મદદથી ખેડૂતો ઓછા ખર્ચે ખેતી કરી શકશે. જેનાથી રોજગારીની આપવાની સાથે ખેડૂતોની આવક પણ વધશે.

ફાઈલ તસવીર ( Image Source :PTI )

Subsidy on Machinery in India: મશીનોનો ઉપયોગ ખેડૂતો માટે ખેતીને સરળ બનાવવા અને ખર્ચ ઘટાડવા માટે અનુકૂળ સાબિત થઈ રહ્યો છે. દેશના મોટાભાગના વિસ્તારોમાં ખેડૂતો વાવણીથી લઈને કાપણી સુધી મશીનનો ઉપયોગ કરી રહ્યા છે. આમાં કેટલાક ખેડૂતો સબસિડી પર મશીન ખરીદે છે, જ્યારે કેટલાક મશીન ખરીદવાને બદલે ભાડે આપવાનું પસંદ કરે છે. જેના કારણે ખેડૂતો પર ખર્ચનો બોજ પડતો નથી અને ખેતીને લગતા કામો પણ સરળતાથી પાર પડે છે. કૃષિમાં મિકેનાઇઝેશનને પ્રોત્સાહન આપવા માટે, સરકારે ઉચ્ચ દરે સબસિડીની પણ જાહેરાત કરી છે, આ સબસિડી ફાર્મ મશીનરી બેંક યોજના હેઠળ આપવામાં આવી રહી છે.

ફાર્મ મશીનરી બેંક યોજના શું છે

ખેડૂતો પર મશીન ખરીદવાનો બોજ ઓછો કરવા માટે સરકારે આ યોજના શરૂ કરી છે. આ યોજના દ્વારા ખેડૂતોને ફાર્મ મશીનરી બેંક ખોલીને ખેતી માટે ભાડેથી મશીન આપવામાં આવશે. જેના કારણે ઓછા ખર્ચે ખેતી કરવામાં સરળતા રહેશે. ગામના લોકો માટે રોજગારી મળશે અને ખેડૂતની બમણી આવકનો માર્ગ પણ તૈયાર થશે.

• આ યોજના હેઠળ દેશના વિવિધ વિસ્તારોમાં 50,000 થી વધુ કસ્ટમ હાયરિંગ કેન્દ્રો સ્થાપિત કરવામાં આવશે, જે ખેડૂતોને ફાર્મ મશીનરી બેંકો ખોલવામાં મદદ કરશે.
• ફાર્મ મશીનરી બેંક ખોલવા માટે, સરકાર દ્વારા 3 વર્ષમાં એકવાર 80% સબસિડી આપવામાં આવશે.
• ખેડૂતો ઇચ્છે તો આખા વર્ષ દરમિયાન અલગ-અલગ મશીનો ખરીદીને સબસિડી પણ લઇ શકે છે.
• આ સબસિડી બિયારણ ખાતર ડ્રીલ, હળ, થ્રેસર, ટીલર, રોટાવેટર જેવા મશીનોની ખરીદીની કિંમત ઘટાડવા માટે આપવામાં આવશે.
• રિપોર્ટ અનુસાર આ યોજનાનો લાભ સૌથી પહેલા અનુસૂચિત જાતિ, જનજાતિ, મહિલાઓ, BPL કાર્ડ ધારકો અને નાના ખેડૂતોને આપવામાં આવશે.
• જો ખેડૂતો ઇચ્છે છે, તો તેઓ તેમના ગામમાં ફાર્મ મશીનરી બેંક ખોલવા માટે ઇ-મિત્ર કેન્દ્રની મુલાકાત લઈને ઓનલાઇન અરજી કરી શકે છે.

યોજનાનો લાભ કોને મળશે

દેશનો દરેક ખેડૂત ફાર્મ મશીનરી બેંક યોજનાનો લાભ લઈ શકે છે, પરંતુ સરકારે લાભાર્થીની પાત્રતા નક્કી કરી છે. પાત્રતા અનુસાર, અરજદાર ભારતનો કાયમી નાગરિક હોવો જોઈએ અને ઓછામાં ઓછી 18 વર્ષની ઉંમર હોવી જોઈએ. આ ઉપરાંત ખેડૂત પાસે કેટલાક દસ્તાવેજો રાખવા પણ ફરજિયાત છે.

• આધાર કાર્ડ
• રેશન કાર્ડ
• ભામાશાહ કાર્ડ
• બેંક પાસ બુક
• સરનામાનો પુરાવો
• વય પ્રમાણપત્ર
• જાતિ પ્રમાણપત્ર
• પાસપોર્ટ સાઇઝનો ફોટો
• મશીનરીના બિલની નકલ

અહીં અરજી કરો

• ફાર્મ મશીનરી બેંક યોજનાનો લાભ લેવા માટે, સત્તાવાર વેબસાઇટ https://agrimachinery.nic.in/ ની મુલાકાત લો.
• હવે વેબસાઈટ પર નીચે આપેલા Direct Benefit Transfer in Agriculture Mechanizationવિકલ્પ પર ક્લિક કરો.
• ફાર્મ મશીનરી બેંક સ્કીમનું વેબપેજ ખુલતાની સાથે જ Registration ના વિકલ્પ પર ક્લિક કરીને તમારી કેટેગરી પસંદ કરો.
• જો તમે ખેડૂત છો, તો ખેડૂત વિકલ્પ પર ક્લિક કરો, ત્યારબાદ Registration  ફોર્મ ખુલશે.
• Registration  ફોર્મમાં બધી માહિતી યોગ્ય રીતે ભરો અને તેને દસ્તાવેજો સાથે અપલોડ કરો.
• આ પછી, Submit બટન પર ક્લિક કર્યા પછી, સ્ક્રીન પર દેખાતા Registration Number પર ક્લિક કરો.
• હવે તમે સ્કીમ માટે રજીસ્ટર થઈ ગયા છો.
• જો ખેડૂતો ઇચ્છે તો અપડેટ મેળવવા માટે તેઓ વેબસાઇટ પર જ Track your application પર ક્લિક કરીને માહિતી મેળવી શકે છે.
• આ સિવાય સબસિડીની રકમ જાણવા માટે તમે વેબસાઈટ પર આપવામાં આવેલા Subsidy calculator વિકલ્પ પર પણ ક્લિક કરી શકો છો.
• વધુ માહિતી માટે, વેબસાઈટ પર આપેલા Contact Us વિકલ્પ પર ક્લિક કરીને, તમે Customer Car અથવા યોજના સાથે સંબંધિત અધિકારીઓ સાથે પણ કનેક્ટ થઈ શકો છો.

આ પણ વાંચોઃ