Farmer Loan Waiver: આ રાજ્યની સરકારે કર્યુ ખેડૂતોનું દેવું માફ, 18 જુલાઈ સુધીમાં થઈ જશે પેમેન્ટ
સરકારે ભારપૂર્વક જણાવ્યું હતું કે જો બેંકરો લોન માફી માટે સરકાર દ્વારા જાહેર કરાયેલી રકમ અન્ય ખાતામાં જમા કરશે તો તેમની સામે કડક કાર્યવાહી કરવામાં આવશે.
Farmer Loan Waiver: તેલંગાણાના મુખ્યમંત્રી રેવન્ત રેડ્ડીએ 1 લાખ રૂપિયા સુધીની કૃષિ લોન માફ કરવાની જાહેરાત કરી છે. તેલંગાણાના સીએમઓ દ્વારા કહેવામાં આવ્યું હતું કે બેંકોને સૂચના આપવામાં આવી છે કે ખેડૂતો દ્વારા લેવામાં આવેલી લોન તેમને 18 જુલાઈ, 2024 સુધીમાં ચૂકવવામાં આવે. સરકારે ભારપૂર્વક જણાવ્યું હતું કે જો બેંકરો લોન માફી માટે સરકાર દ્વારા જાહેર કરાયેલી રકમ અન્ય ખાતામાં જમા કરશે તો તેમની સામે કડક કાર્યવાહી કરવામાં આવશે.
આ પહેલા 2 લાખ રૂપિયા સુધીની લોન માફી અંગેની સૂચનાઓ હતી
તેલંગાણા સરકારના મંત્રીઓ, ધારાસભ્યો અને MLC મંગળવારે (16 જુલાઈ, 2024) ના રોજ લોન માફીનો લાભ મેળવનાર ખેડૂતો સાથેના એક કાર્યક્રમમાં હાજરી આપી હતી.. અગાઉ, તેલંગાણા સરકારે 2 લાખ રૂપિયા સુધીની પાક લોન માફ કરવાનો નિર્દેશ આપ્યો હતો.
Hyderabad: Telangana CM Revanth Reddy announces Farm Loan waiver of up to Rs. 1 lakh to be implemented from July 18. The money would be deposited to the farmers' loan accounts by the evening of July 18. Clear instructions have been given to bankers that the loan waiver funds…
— ANI (@ANI) July 16, 2024
રાજ્ય સરકાર દ્વારા જારી કરાયેલી માર્ગદર્શિકા અનુસાર, એવું કહેવામાં આવ્યું હતું કે 12 ડિસેમ્બર, 2018ના રોજ અથવા તે પછી આપવામાં આવેલી કૃષિ લોન માફ કરવાની હતી, જે 9 ડિસેમ્બર, 2023 સુધીમાં ચૂકવવાની હતી. તેની પ્રક્રિયા ગુરુવાર (18 જુલાઈ 2024) થી શરૂ થશે અને 15 ઓગસ્ટ સુધીમાં પૂર્ણ થશે.
તેલંગાણા સરકાર દ્વારા જારી સૂચનાઓ
સરકારે કહ્યું કે નાગરિક પુરવઠા વિભાગના પીડીએસ કાર્ડના ડેટાબેઝનો ઉપયોગ ખેડૂત પરિવારોની ઓળખ કરવા માટે કરવામાં આવશે. પરિવારમાં તેના વડા, તેના જીવન સાથી, બાળકો અને અન્યનો સમાવેશ થશે. માર્ગદર્શિકા અનુસાર, લોન માફી યોજનાના અમલીકરણ માટે દરેક બેંકમાં નોડલ અધિકારીની નિમણૂક કરવી જોઈએ. નોડલ ઓફિસર રાજ્યના કૃષિ વિભાગના નિયામક અને NIC વચ્ચે સંકલનની કામગીરી કરશે.
ગુજરાત સરકાર ખેડૂતોને ડ્રોન પાયલટની આપશે તાલીમ
કૌશલ્ય સાથે શિક્ષણ’ના હેતુ સાથે રાજ્યના યુવાનોના કૌશલ્યને કેન્દ્રમાં રાખીને ‘સ્કિલ સ્માર્ટ’ અભ્યાસ થકી રોજગારી આપવાના ઉદ્દેશથી કૌશલ્યા ધ સ્કિલ યુનિવર્સિટીની સ્થાપના કરવામાં આવી છે. વડાપ્રધાન નરેન્દ્ર મોદીના ‘સ્કિલ ઇન્ડિયા’ના વિઝનને સાર્થક કરવામાં, ગુજરાતના મુખ્યમંત્રી ભૂપેન્દ્ર પટેલના માર્ગદર્શન હેઠળ રાજ્યમાં નાગરિકોને સમયની માંગ અનુસાર કૌશલ્ય તાલીમ પ્રદાન થાય તેના માટે યોજનાબદ્ધ કામગીરી થઇ રહી છે. આ દિશામાં આગામી સમયમાં ગુજરાતમાં ખેડૂતો તથા ખેડૂત પુત્રોને નજીવા દરે ડ્રોન પાયલટની તાલીમ આપવાનું આયોજન છે. જેમાં ₹1200ના દરે ડ્રોન પાયલટની તાલીમ આપવામાં આવશે.
ટ્રેન્ડિંગ સમાચાર
ટોપ સ્ટોરી
