અમદાવાદઃ રાત્રીના સમયે ફટાકડાં ફોડતા બે યુવાનોની ધરપકડ, કોર્ટના જાહેરનામાનો ભંગ

અમદાવાદઃ હાલમાં દિવાળીના તહેવારો ચાલી રહ્યાં છે, હિન્દુ કેલેન્ડરના છેલ્લા તહેવાર દિવાળીને લોકો ધામધૂમથી ઉજવી રહ્યાં છે, ત્યારે આ બધાની વચ્ચે એક સમાચાર મળી રહ્યાં છે. શહેરના બે યુવકોને પોલીસે રાત્રે ફટાકડાં ફોડતા ધરપકડ કરી લીધી છે.

ઉલ્લેખનીય છે કે, કોર્ટે દિવાળી સમયે રાત્રીના 10 વાગ્યા પછી જાહેરમાં ફટાકડાં કે અન્ય કોઇ દારુગોળા વાળી વસ્તુઓના વપરાશ પર પ્રતિબંધ મુકવાના આદેશ કર્યો છે.

અમરાઇવાડી વિસ્તારમાં બળદેવ પટેલ અને વિષ્ણુ ઝાલા નામના બે શખ્સોની અમરાઇવાડી પોલીસે ધરપકડ લીધી છે. પોલીસ અનુસાર, આ બન્ને શખ્સો કોર્ટના આદેશનુ ઉલ્લંઘન કરી રાત્રીના સમયે ફટાકડાં ફોડી રહ્યાં હતા, જેના પર કાર્યવાહી કરવામાં આવી છે.