ગુજરાત પ્રદેશ કોંગ્રેસના નવા માળખામાં કોનો સમાવેશ ના કરાતાં અલ્પેશ ઠાકોર ભડક્યો? જાણો વિગત

અમદાવાદઃ કોંગ્રેસના દિગ્ગજ નેતા અને ઠાકોર સેનાના પ્રમુખ અલ્પેશ ઠાકોર ફરી એકવાર ગુજરાત કોંગ્રેસ પર ભડક્યો છે. ગુજરાત પ્રદેશ કોંગ્રેસના નવા માળખામાં પોતાના પિતા ખોડાજી ઠાકોરનો સમાવેશ ના કરતાં અલ્પેશ ઠાકોર ગુસ્સે થઇ ગયો હતો.

ઉપરાંત આગામી ડિસેમ્બર માસમાં જિલ્લા પંચાયતમાં કોંગ્રેસ પક્ષના નેતાપદે પણ ખોડાજી ઠાકોર વિરુદ્ધની લોબીના સદસ્યની પસંદગી કરવાના ચક્રો ગતિમાન થવા પામ્યા છે. જિલ્લા પંચાયતના પ્રમુખની બીજી ટર્મની ચૂંટણી સમયે જ ભાજપના ઉમેદવારની જીત થઇ હતી અને જિલ્લા પંચાયતમાં કોંગ્રેસના શાસનનો અંત આવતા ભાજપના શાસનનો પ્રારંભ થયો છે.