આગામી બે દિવસમાં ગુજરાતમાં કઈ જગ્યાએ પડી શકે છે સૌથી વધુ ઠંડી? જાણો હવામાન વિભાગે શું કરી આગાહી?

રાજ્યના હવામાન વિભાગે આગાહી કરી છે કે, હજુ પણ 48 કલાક સુધી ઠંડી પડે તેવી શક્યતા છે. આ કોલ્ડવેવની અસર ખાસ કરીને વડોદરા, સુરત, વલસાડ અને રાજકોટમાં ખાસ વર્તાશે. આ સાથે જ ભાવનગર, પોરબંદર, સુરેન્દ્રનગરમાં ઠંડો પવન ફુંકાશે.

દિલ્હીમાં હાડ થીજવતી ઠંડી અને કાશ્મીરમાં હિમવર્ષાની અસર હજારો કિમી દૂર ગુજરાતમાં જોવા મળે છે. રાત્રી અને વહેલી સવારે ફૂલ ગુલાબી ઠંડીની મોજું ફરી વળે છે. ફેબ્રુઆરી મહિનાની શરૂઆતથી ઠંડીનું પ્રમાણ ઘટનાનું શરૂ થઈ જાય છે પરંતુ આ વખતે ફેબ્રુઆરી મહિનો અડધો પતવા આવ્યો પરંતુ ઠંડીનું જોર ઓછું થયું નથી.

અમદાવાદ: ગુજરાતમાં છેલ્લા કેટલાંક સમયથી લોકોમાં ભારે કૂતુહલ જોવા મળી રહ્યું છે. છેલ્લા ત્રણ મહિનાથી ઠંડી પડી રહી છે. એવામાં ફેબ્રુઆરી મહિનો શરૂ થઇ ગયો છે તેમ છતાં ઠંડીનું જોર ઘટવાનું નામ લેતી નથી. છેલ્લા બે દિવસથી ઠંડીનું જોર વધ્યું છે અને સુસવાટા ભર્યો પવન પણ ચાલુ થઈ ગયો છે. જેના કારણે ઠંડીના પારામાં ઘટાડો થયો છે.