અમદાવાદઃ બાવાળા રોડ પર ઝાડ નીચે આરામ કરી રહેલા બે વિદ્યાર્થી પર કાર ફરી વળી, થયા મોત

અમદાવાદઃ બાવળાના રામનગર પાટિયા પાસે ઝાડ નીચે બેઠેલા બે વિદ્યાર્થી પર કાર ફરી વળતાં બંનેના મોત નીપજ્યા છે. કારનું ટાયર ફાટતાં ડ્રાઇવરે સ્ટીયરિંગ પરનો કાબૂ ગુમાવતા આ અકસ્માત સર્જાયો હતો. એકનું ઘટનાસ્થળે જ મોત થયું હતું, જ્યારે અન્ય વિદ્યાર્થીનું સારવાર દરમિયાન મોત થયું છે.

અકસ્માતમાં મોતને ભેટેલા વિદ્યાર્થીઓ આઇટીઆઇમાં અભ્યાસ કરતાં હતા. જેમના નામ રાજન મકવાણા અને જયેશકુમાર જાદવ છે. અકસ્માત થયો ત્યારે બંને વિદ્યાર્થીઓ હાઈ-વેની બાજુમાં ઝાડ નીચે બેઠા હતા. તેમના મોતથી તેમના ગામમાં અરેરાટી વ્યાપી ગઈ હતી.