Mahindra XUV300 Facelift: મહિન્દ્રા XUV300 ફેસલિસ્ટની લૉન્ચ ટાઇમલાઇન ડિટેલ આવી સામે, જાણો શું હશે બદલાયેલું

તાજેતરમાં મહિન્દ્રાના XUV300 ના વર્તમાન મોડલ માટે બુકિંગ બંધ થવાની માહિતી બહાર આવી હતી

(તસવીર- એબીપી અસ્મિતા ન્યૂઝ)

Mahindra XUV300 Facelift Launch: મહિન્દ્રા છેલ્લા કેટલાક સમયથી XUV300 ના મિડ-લાઇફ અપડેટેડ વર્ઝનનું ટેસ્ટિંગ કરી રહ્યું છે, જેના સ્પાય શોટ્સ ઘણી વખત સામે આવી ચૂક્યા છે, જે આ સબ-ફોર-મીટર SUVની મુખ્ય વિગતો જાહેર કરે છે. હવે, આ અપડેટેડ મોડલની લૉન્ચ ટાઇમલાઇનની ડિટેલ્સ બહાર આવી છે.

ક્યારે થશે લૉન્ચ 
મહિન્દ્રા આગામી નાણાકીય વર્ષના પ્રથમ ક્વાર્ટરમાં દેશમાં XUV300 ફેસલિફ્ટની કિંમતો જાહેર કરશે. તાજેતરમાં મહિન્દ્રાના XUV300 ના વર્તમાન મોડલ માટે બુકિંગ બંધ થવાની માહિતી બહાર આવી હતી. ગયા મહિને, કંપનીએ પુષ્ટિ કરી હતી કે અપડેટેડ મોડલ માટે જગ્યા બનાવવા માટે વર્તમાન મોડલનું ઉત્પાદન ઘટાડવામાં આવ્યું છે.

શું હશે ફેરફાર 
2024 તેના આંતરિક ભાગમાં મોટી ટચસ્ક્રીન સિસ્ટમ, નવું ફ્લેટ-બોટમ સ્ટીયરિંગ વ્હીલ અને નવું ગિયર લીવર મળવાની શક્યતા છે. આ સિવાય તેમાં ADAS સ્યુટ પણ ઓફર કરી શકાય છે. જો કે, એન્જિન અને ટ્રાન્સમિશન વિકલ્પોમાં કોઈ ફેરફારની અપેક્ષા નથી. તેમાં ત્રણ એન્જિન વિકલ્પો છે, જેમાં બે પેટ્રોલ અને એક ડીઝલ એન્જિનનો સમાવેશ થાય છે. તેમાં 1.2-લિટર ટર્બો-પેટ્રોલ યુનિટ (110 PS/200 Nm), 1.5-લિટર ડીઝલ એન્જિન (117 PS/300 Nm) અને TGDI 1.2-લિટર ટર્બો-પેટ્રોલ એન્જિન (130 PS/250 Nm)નો સમાવેશ થાય છે. આ તમામ એન્જિન 6-સ્પીડ મેન્યુઅલ સાથે જોડાયેલા છે, જ્યારે ડીઝલ એન્જિન અને ટર્બો-પેટ્રોલમાં પણ 6-સ્પીડ AMT વિકલ્પ છે.

કોની સાથે થશે ટક્કર 
નવી Mahindra XUV300 ભારતીય બજારમાં Tata Nexon, Hyundai Venue, Maruti Suzuki Brezza, Nissan Magnite અને Kia Sonet સાથે સ્પર્ધા કરવાનું ચાલુ રાખશે. જેમાં Brezza અને Magnite માત્ર પેટ્રોલ એન્જિન સાથે ઉપલબ્ધ છે, જ્યારે અન્ય તમામ મોડલ ડીઝલ અને પેટ્રોલ બંને વિકલ્પોમાં ઉપલબ્ધ છે, જ્યારે Nexonનું ઇલેક્ટ્રિક વર્ઝન પણ બજારમાં હાજર છે.