Top 5 110 CC Scooters: આ છે ભારતમાં વેચાતા 110 સીસીના ટોપ 5 સ્કૂટર, જાણો કિંમત અને ખાસિયત
ભારતીય ટુ-વ્હીલર માર્કેટમાં સ્કૂટર્સ અત્યંત લોકપ્રિય છે. તેમાં પણ ખાસ કરીને 110cc મોડલની માંગ વધુ જોવા મળી રહી છે.
110 CC Scooters: ભારતીય ટુ-વ્હીલર માર્કેટમાં સ્કૂટર્સ અત્યંત લોકપ્રિય છે. તેમાં પણ ખાસ કરીને 110cc મોડલની માંગ વધુ જોવા મળી રહી છે. હકીકતમાં, 60 ટકાના બજાર હિસ્સા સાથે, 100-110cc સ્કૂટર સેગમેન્ટ એકંદર ગિયરલેસ ટુ-વ્હીલર માર્કેટમાં સૌથી મોટો ફાળો આપનાર છે. જો તમે તેની લોકપ્રિયતાના કારણો પર નજર નાખો, તો તે સારા લાગે છે, તેમાં ઘણી બધી સુવિધાઓ છે અને તે બજેટમાં ફિટ છે. અહીં અમે તમને ભારતમાં હાલમાં વેચાતા ટોપ-5 શ્રેષ્ઠ 110cc સ્કૂટર્સ વિશે જણાવી રહ્યા છીએ.
Honda Activa: Honda Activaના ચાહકોની સંખ્યા ઘણી વધારે છે. આ વાત એ હકીકત પરથી જાણી શકાય છે કે હોન્ડા એક્ટિવા હાલમાં ભારતીય બજારમાં સૌથી વધુ વેચાતું સ્કૂટર છે. Activa 6Gમાં 109.51cc સિંગલ-સિલિન્ડર, એર-કૂલ્ડ એન્જિન છે. આ એન્જિન 7.73 bhpનો પાવર અને 8.90 Nmનો પીક ટોર્ક જનરેટ કરે છે. આ એન્જિન CVT ગિયરબોક્સ સાથે જોડાયેલું છે. તેની એક્સ-શોરૂમ કિંમત 75,347 રૂપિયાથી 81,348 રૂપિયા સુધીની છે.
TVS Jupiter : TVS Jupiter એક સુંદર દેખાતું કુટુંબનું સ્કૂટર છે. આ સ્કૂટર ચેન્નાઈ સ્થિત ભારતીય ટુ-વ્હીલર ઉત્પાદકના સૌથી વધુ વેચાતા મોડલ પૈકીનું એક છે. TVS Jupiterને 109.7cc, સિંગલ-સિલિન્ડર, એર-કૂલ્ડ, ફ્યુઅલ-ઇન્જેક્ટેડ એન્જિન મળે છે. આ એન્જિન 7.7 bhpનો પાવર જનરેટ કરે છે અને CVT ગિયરબોક્સ સાથે ઉપલબ્ધ છે. TVS Jupiter 110ની એક્સ-શોરૂમ કિંમત 72,190 રૂપિયાથી 88,498 રૂપિયા સુધીની છે.
Hero Pleasure Plus: હીરો પ્લેઝર પ્લસ મહિલાઓમાં લોકપ્રિય સ્કૂટર છે. હીરો પ્લેઝર પ્લસ સ્કૂટરમાં 110.9cc, સિંગલ-સિલિન્ડર, એર કૂલ્ડ, FI એન્જિન છે. આ એન્જિન 7.9 bhpનો પાવર અને 8.70 Nmનો ટોર્ક જનરેટ કરે છે. આ એન્જિન CVT ગિયરબોક્સ સાથે જોડાયેલું છે. સ્કૂટર વજનમાં હલકું છે અને બહુવિધ રંગ વિકલ્પો સાથે આવે છે, જે તેને વધુ આકર્ષક બનાવે છે. પ્લેઝર પ્લસની એક્સ-શોરૂમ કિંમત 69,638 રૂપિયાથી 78,538 રૂપિયા સુધીની છે.
Honda Dio: Honda Dio એક સુંદર સ્કૂટર છે જે પુરૂષ અને મહિલા રાઇડર્સ બંનેને પસંદ આવે છે. Honda Dioમાં 109.51cc સિંગલ-સિલિન્ડર, એર-કૂલ્ડ એન્જિન છે. આ એન્જિન 7.6 bhpનો પાવર અને 9 Nmનો પીક ટોર્ક જનરેટ કરે છે. આ એન્જિન સાથે CVT ગિયરબોક્સનું જોડાણ કરવામાં આવ્યું છે. Honda Dioની એક્સ-શોરૂમ કિંમત 68,625 રૂપિયાથી 72,626 રૂપિયાની વચ્ચે છે.
Hero Xoom : હીરો ઝૂમ એ તાજેતરમાં 110cc સ્કૂટર સેગમેન્ટમાં પ્રવેશ કર્યો છે. આ સ્કૂટરમાં 110.9cc, સિંગલ-સિલિન્ડર, એર-કૂલ્ડ, ફ્યુઅલ-ઇન્જેક્ટેડ એન્જિન છે. આ એન્જિન 8.05 bhpનો પાવર અને 8.7 Nmનો ટોર્ક જનરેટ કરે છે. આ એન્જિન CVT ગિયરબોક્સ સાથે જોડાયેલું છે. Hero Xoom એ હળવા વજનનું સ્કૂટર છે અને તેની એક્સ-શોરૂમ કિંમત રૂ. 69,099 થી રૂ. 77,199 વચ્ચે છે.
ટોપ સ્ટોરી
ટ્રેન્ડિંગ સમાચાર
