આ મહિને લોન્ચ થશે મારુતિની આ જબરદસ્ત માઈલેજ આપનારી હાઈબ્રિડ કાર, જાણો ફીચર્સ અને કિંમત વિશે

આ વાહન મારુતિએ ટોયોટા સાથે મળીને તૈયાર કર્યું છે. જ્યારે તેનું ઉત્પાદન પણ ટોયોટાના પ્લાન્ટમાં થશે, જે કર્ણાટક સ્થિત છે. મારુતિ આ કાર નેક્સા ડીલરશીપ હેઠળ વેચશે.

પ્રતિકાત્મક તસવીર

Grand Vitara Hybrid: મારુતિ સુઝુકી આ સપ્ટેમ્બરના અંત સુધીમાં ભારતમાં તેની મધ્યમ કદની હાઇબ્રિડ એસયુવી કાર ગ્રાન્ડ વિટારા (Maruti Suzuki Grand Vitara) લોન્ચ કરવા જઈ રહી છે. આ કારનું બુકિંગ 11મી જુલાઈથી શરૂ થઈ ગયું છે અને અત્યાર સુધીમાં 50,000થી વધુ લોકોએ આ કાર બુક કરાવી છે. આ વાહન મારુતિએ ટોયોટા સાથે મળીને તૈયાર કર્યું છે. જ્યારે તેનું ઉત્પાદન પણ ટોયોટાના પ્લાન્ટમાં થશે, જે કર્ણાટક સ્થિત છે. મારુતિ આ કાર નેક્સા ડીલરશીપ હેઠળ વેચશે.

ગ્રાન્ડ વિટારાની પાવરટ્રેન

આ કાર (Maruti Suzuki Grand Vitara) હળવા હાઇબ્રિડ અને મજબૂત હાઇબ્રિડ જેવી બે પાવરટ્રેનની પસંદગીમાં લોન્ચ કરવામાં આવશે. જેમાં 1.5-L K15C પેટ્રોલ એન્જિન 103bhpની પાવર ક્ષમતા સાથે હળવા હાઇબ્રિડ વર્ઝનમાં જોવા મળશે અને મજબૂત હાઇબ્રિડ વર્ઝનમાં 1.5L TNGA એટકિન્સન સાઇકલ એન્જિનનો ઉપયોગ કરવામાં આવશે, જે 115bhpનો સંયુક્ત પાવર જનરેટ કરશે. હળવા હાઇબ્રિડ વર્ઝનમાં 5-સ્પીડ મેન્યુઅલ અને 6-સ્પીડ ઓટોમેટિક ટ્રાન્સમિશનનો વિકલ્પ મળશે. જ્યારે eCVT ગિયરબોક્સ સ્ટ્રોંગ હાઇબ્રિડ વર્ઝનમાં આપવામાં આવશે. કંપનીના જણાવ્યા અનુસાર, આ વેરિએન્ટથી 27.97kmpl સુધીની માઈલેજ મેળવી શકાય છે. જ્યારે ગ્રાન્ડ વિટારાના હળવા હાઇબ્રિડ વર્ઝનને ટુ વ્હીલ ડ્રાઇવ મેન્યુઅલથી 21.11kmpl, ટુ વ્હીલ ડ્રાઇવ ઓટોમેટિકથી 20.58kmpl અને AllGrip ઓલ વ્હીલ ડ્રાઇવથી 19.38kmpl ની માઇલેજ મળશે.

કિંમત કેટલી હશે?

મારુતિ આ મધ્યમ કદની એસયુવીને સિગ્મા, ડેલ્ટા, ઝેટા અને આલ્ફા નામના ચાર ટ્રિમમાં લોન્ચ કરશે, જે મેન્યુઅલ અને ઓટોમેટિક ટ્રાન્સમિશન બંને વિકલ્પોમાં ઉપલબ્ધ હશે. અત્યાર સુધી મળેલી માહિતી મુજબ આ કારની કિંમત 9.50 લાખ રૂપિયાથી લઈને 18 લાખ રૂપિયા સુધીની હોઈ શકે છે. આ કાર માઈલ્ડ હાઈબ્રિડ અને સ્ટ્રોંગ હાઈબ્રિડ જેવા બે ઓપ્શનમાં લોન્ચ કરવામાં આવશે. જેમાં હળવા હાઇબ્રિડ વર્ઝનની કિંમત રૂ. 9.50 લાખથી રૂ. 15.50 લાખની વચ્ચે હોઇ શકે છે અને મજબૂત હાઇબ્રિડ વર્ઝનની કિંમત રૂ. 17 લાખથી રૂ. 18 લાખની વચ્ચે રહેવાની ધારણા છે. મજબૂત હાઇબ્રિડ ટેક્નોલોજી ફક્ત Zeta+ અને Alpha+ વેરિયન્ટ્સમાં જ ઉપલબ્ધ થવાની અપેક્ષા છે. આ તમામ કિંમતો કામચલાઉ છે, જેની કંપનીએ હજુ સુધી પુષ્ટિ કરી નથી, લોન્ચ થયા પછી તેમાં ફેરફાર શક્ય છે.