Year Ender 2023: કાર ખરીદવા માંગતા લોકો માટે સારા સમાચાર, આ કાર પર મળી રહ્યુ છે ભારે ડિસ્કાઉન્ટ
ફોક્સવેગન પોતાની આ કાર પર 4.2 લાખ રૂપિયા સુધીના વર્ષના અંતે બેનિફિટ ઓફર કરી રહી છે
Discount Offers on Volkswagen Tiguan: ફોક્સવેગન તેની ફ્લેગશિપ SUV ટિગુઆન પર 4.2 લાખ રૂપિયા સુધીના વર્ષના અંતે બેનિફિટ ઓફર કરી રહી છે, જેમાં રોકડ ડિસ્કાઉન્ટ, એક્સચેન્જ બોનસ, કોર્પોરેટ ડિસ્કાઉન્ટ, સર્વિસ પેકેજ અને કેટલાક વિશેષ લાભોનો સમાવેશ થાય છે. જે એકંદરે એસયુવીની એક્સ-શોરૂમ કિંમતના 10 ટકા કરતા વધુ છે.
ફોક્સવેગન ટિગુઆનની કિંમત
ફોક્સવેગન ટિગુઆનની કિંમત હાલમાં 35.17 લાખ રૂપિયા છે. જેનો અર્થ છે કે તમામ ડિસ્કાઉન્ટ પછી તમે તેને 30.97 લાખ રૂપિયાની એક્સ-શોરૂમ કિંમતે ઘરે લાવી શકો છો.
ફોક્સવેગન ટિગુઆન ડિસ્કાઉન્ટ ઓફર
આ મહિને કંપની 75,000 રૂપિયા સુધીનું રોકડ ડિસ્કાઉન્ટ, 75,000 રૂપિયા સુધીનું એક્સચેન્જ બોનસ, રૂ. 1 લાખ સુધીના કોર્પોરેટ લાભો, ચાર વર્ષ માટે 86,000 સુધીનું ફ્રી સર્વિસ પેકેજ અને 84000 રૂપિયા સુધીના અન્ય લાભો ઓફર કરી રહી છે. આ ઑફર્સ આ વર્ષના અંત સુધી એટલે કે 31 ડિસેમ્બર, 2023 સુધી જ માન્ય છે.
ફોક્સવેગન ટિગુઆન એન્જિન
ટિગુઆનમાં ઉપલબ્ધ એન્જિન વિશે વાત કરીએ તો તેમાં 2.0-લિટર ટર્બોચાર્જ્ડ પેટ્રોલ એન્જિન છે. જે 187 HP ની મેક્સિમમ પાવર અને 320 NM નો પીક ટોર્ક જનરેટ કરે છે, જે 7-સ્પીડ DSG સ્ટાન્ડર્ડ ગિયરબોક્સ સાથે જોડવામા આવ્યું છે. ફોક્સવેગનની 4MOTION ઓલ-વ્હીલ ડ્રાઇવ સિસ્ટમ દ્વારા તમામ ચાર વ્હીલ્સને પાવર મોકલવામાં આવે છે.
ફોક્સવેગન ટિગુઆનની વિશેષતાઓ
ફીચર્સ વિશે વાત કરીએ તો ટિગુઆનમાં વાયરલેસ એન્ડ્રોઇડ ઓટો અને એપલ કારપ્લે સિસ્ટમ, 8-ઇંચ ટચસ્ક્રીન સિસ્ટમ, ડિજિટલ ઇન્સ્ટ્રુમેન્ટ ક્લસ્ટર, પેનોરેમિક સનરૂફ, કનેક્ટેડ-કાર ટેક, થ્રી-ઝોન ક્લાઇમેટ કંટ્રોલ, પાવર-એડજસ્ટેડ ડ્રાઇવરની સીટ, 30-ડિગ્રી એમ્બિયન્ટ લાઇટ છે. 6 એરબેગ્સ, ESC, HAC, HDC, પાર્ક આસિસ્ટ જેવા ફિચર્સ સામેલ છે.
આ કારને આપે છે ટક્કર
સ્થાનિક બજારમાં Tiguan, Citroen C5 Aircross, Hyundai Tucson અને Jeep Compass જેવી કારને ટક્કર આપી રહી છે.
ટ્રેન્ડિંગ સમાચાર
ટોપ સ્ટોરી
