નાણાં મંત્રાલયે 2016-17 માટે EPF પર 8.65% વ્યાજને મંજૂરી આપી, 4 કરોડ ખાતાધારકોના ખાતામાં જમા થશે રકમ

નવી દિલ્હીઃ શ્રમ પ્રધાન બંડારુ દત્તાત્રેયે ગુરુવારે જણાવ્યું કે, નાણાં મંત્રાલયે નાણાંકીય વર્ષ 2016-17 માટે ઈપીએફ પર 8.65 ટકા વ્યાજ દરને મંજૂરી આપી દીધી છે. તેનાથી કર્મચારી ભવિષ્ય નિધિ સંગઠન (ઈપીએફઓ)ના ચાર કરોડથી વધારે ખાતાધારકોના ખાતામાં વ્યાજની રકમ જમા કરવામાં આવશે.

દતાત્રેયે કહ્યું છે કે હવે આ અંગે સત્તાવાર જાણકારી આપવામાં આવશે. અમે આ અંગે ઝડપથી નોટિફિકેશન બહાર પાડીશું અને પીએફ હોલ્ડર્સના એકાઉન્ટમાં ઈન્ટરેસ્ટ ક્રેડિટ કરીશું.