હોન્ડાએ તેની આ હેચબેક કારનું પ્રોડક્શન કર્યું બંધ, જાણો વિગત

ન્યૂઝ એજન્સી પીટીઆઈ સાથે વાત કરતાં હોન્ડા કાર્સ ઈન્ડિયાના સેલ્સ અને માર્કેટિંગના સીનિયર વાઇસ પ્રેસિડેન્ટ અને ડાયરેક્ટર રાજેશ ગોયલે કહ્યું, હવે અમારી એન્ટ્રી લેવલ કાર અમેઝ છે. અમે બ્રિયોનું પ્રોડક્શન બંધ કરી દીધું છે અને હાલ નેકસ્ટ જનરેશન બ્રિયોને ભારતીય માર્કેટમાં ઉતારવાનો કોઇ ઇરાદો નથી.

હોન્ડા બ્રિયોને ભારતમાં સપ્ટેમ્બર 2011માં લોન્ચ કરવામાં આવી હતી અને ત્યારથી લઇ આજદિન સુધીમાં માત્ર 97,000 યુનિટ્સ જ વેચાયા છે. હોન્ડાએ 2108 ઓટો એક્સપો દરમિયાન કહ્યું હતું કે, કંપની 2020 સુધીમાં 6 નવી કાર માર્કેટમાં લોન્ચ કરશે. જેમાંથી અમેઝ અને નવી સીઆર-વીને ઉતારી દીધી છે. ચાલુ વર્ષે માર્ચ સુધીમાં નવી સિવિકને પણ લોન્ચ કરવામાં આવી શકે છે.