શોધખોળ કરો

SBIના ગ્રાહકો માટે ખુશખબર, FDના વ્યાજ દરમાં થયો વધારો, જાણો વિગત

Written By : એબીપી અસ્મિતા વેબ ટીમ | Updated at : 30 Jul 2018 03:47 PM (IST)

1/4

એસબીઆઈએ તેની વેબસાઇટ પર કહ્યું છે કે, 1 થી 2 વર્ષની એફડી પર હવેથી 6.70%ના દરે વ્યાજ મળશે, પહેલા આ દર 6.65% હતો. ઉપરાંત 2થી 3 વર્ષની એફડી પર વ્યાજ દર 6.65%થી વધારી 6.75% કરવામાં આવ્યો છે.

2/4

નવી દિલ્હીઃ દેશની સૌથી મોટી જાહેર ક્ષેત્રની બેંક સ્ટેટ બેંક ઓફ ઈન્ડિયા (એસબીઆઈ)એ સોમવારે કેટલીક ખાસ મુદત માટેની થાપણો(ફિકસ્ડ ડિપોઝિટ)ના વ્યાજ દરોમાં વધારાની જાહેરાત કરી છે. વ્યાજ દરમાં 5થી 10 બેસિસ પોઈન્ટ એટલે કે 0.05% થી 0.1% સુધી વધારો કરવામાં આવ્યો છે. નવો વધારો સોમવાર, 30 જુલાઈથી જ લાગુ થઈ ગયો છે.

3/4

ઉપરાંત ટૂંકાગાળા માટે જમા મોટી રકમ પર વ્યાજદરમાં ઘટાડો કરવામાં આવ્યો છે. 1થી 2 વર્ષ માટે 1 કરોડથી લઈ 10 કરોડ સુધી ડિપોઝિટ પર વ્યાજદર 7%થી ઘટાડીને 6.70% કરી દવેમાં આવ્યો છે. સીનિયર સિટિઝન માટે પણ આ દર 7.50%થી ઘટાડીને 7.20% કરાવી દેવામાં આવ્યો છે.

4/4

વરિષ્ઠ નાગરિકો માટે 1થી 2 વર્ષના ગાળા માટે જમા ડિપોઝિટ પર 7.15%ના બદલે 7.20% અને 2થી 3 વર્ષની એફડી પર 7.15%ના બદલે 7.5% વ્યાજ દર લાગુ કરવામાં આવ્યો છે. આ દર 1 કરોડ રૂપિયાની એફડી પર લાગુ થશે.