Nikki Yadav Murder Case: હત્યાના કાવતરામાં સાહિલના પિતા-મિત્ર સહિત 5ની ધરપકડ, દિલ્હી પોલીસનો જવાન પણ સામેલ

Crime News: શનિવારે એક મોટી કાર્યવાહીમાં દિલ્હી ક્રાઈમ બ્રાન્ચે સાહિલ ગેહલોતના પિતા વીરેન્દ્ર સિંહ, ભાઈઓ આશિષ અને નવીન, મિત્રો લોકેશ અને અમરની નિક્કીની હત્યાનું કાવતરું ઘડવાના આરોપમાં ધરપકડ કરી હતી.

નિક્કી અને સાહિલ

Nikki Yadav Murder Case: દેશની રાજધાની દિલ્હીમાં નિક્કી યાદવની હત્યા કેસની તપાસ હવે તેજ થઈ ગઈ છે. શનિવારે એક મોટી કાર્યવાહીમાં દિલ્હી ક્રાઈમ બ્રાન્ચે સાહિલ ગેહલોતના પિતા વીરેન્દ્ર સિંહ, ભાઈઓ આશિષ અને નવીન, મિત્રો લોકેશ અને અમરની નિક્કીની હત્યાનું કાવતરું ઘડવાના આરોપમાં ધરપકડ કરી હતી. અત્રે નોંધનીય છે કે પકડાયેલ આરોપી નવી દિલ્હી પોલીસમાં કોન્સ્ટેબલ છે.

સ્પેશિયલ સીપી (ક્રાઈમ બ્રાન્ચ) રવિન્દર યાદવે કહ્યું, 'પોલીસ કસ્ટડીમાં રિમાન્ડ દરમિયાન સાહિલ ગેહલોતની પૂછપરછ કરવામાં આવી હતી. તેણે તેની સંપૂર્ણ યોજના જણાવી અને કહ્યું કે નિકીની હત્યા બાદ તેણે અન્ય સહ-આરોપીઓને તેની જાણ કરી હતી. જે બાદ બધાએ સાથે લગ્ન સમારોહમાં હાજરી આપી હતી. ત્યારપછી તમામ 5 સહ-આરોપીઓ (પિતા, બે પિતરાઈ ભાઈઓ, આશિષ અને નવીન અને બે મિત્રો અમર અને લોકેશ)ની પૂછપરછ કરવામાં આવી હતી અને તેમની ભૂમિકાની ચકાસણી અને ખાતરી કર્યા પછી ધરપકડ કરવામાં આવી હતી. નવીન દિલ્હી પોલીસમાં કોન્સ્ટેબલ છે. વધુ તપાસ ચાલુ છે.

All 5 co-accused (father, two cousins, Ashish & Naveen & two friends Amar and Lokesh) were thoroughly interrogated & arrested after verifying and ascertaining their role. Naveen is a Constable in Delhi Police. Further Investigation underway: Special CP Crime Branch Ravinder Yadav

— ANI (@ANI) February 18, 2023

લગ્ન આર્ય સમાજના મંદિરમાં થયા હતા

જણાવવામાં આવી રહ્યું છે કે સાહિલ અને નિકીના લગ્ન ઓક્ટોબર 2020માં જ નોઈડાના એક આર્ય સમાજ મંદિરમાં થયા હતા. સાહિલનો પરિવાર આ લગ્નથી નાખુશ હતો, તેથી તેઓ નિક્કીને રસ્તામાંથી દૂર કરવા માંગતા હતા. સાહિલના પરિવારે ડિસેમ્બર 2022માં તેનો સંબંધ નક્કી કર્યો અને યુવતીઓથી છુપાવી દીધું કે સાહિલ પહેલેથી પરિણીત છે. પોલીસે રિમાન્ડ દરમિયાન સાહિલ અને નિકીના લગ્નનું પ્રમાણપત્ર પણ કબજે કર્યું છે. આટલું જ નહીં, નિક્કીની લાશને ફ્રીજમાં છુપાવવામાં તેના મિત્ર અને પિતરાઈ ભાઈએ તેનો સાથ આપ્યો હતો.

આ પણ વાંચોઃ