Crime News: પ્રેમી પંખીડાની ગોળી મારેલી હાલતમાં મળી લાશ, સ્થળ પરથી મળેલો સામાન જોઈ પોલીસ પણ હેરાન

UP Crime News: ખંડેરમાં પ્રેમી પંખીડાની લાશ હોવાની માહિતી મળતાં જ લોકોનું ટોળું એકત્ર થઈ ગયું હતું

પંચનામું કરતી પોલીસ

Crime News: યુપીના હરદોઈ જિલ્લાના બિલગ્રામમાં જૂની સીએચસી બિલ્ડિંગના ખંડેરમાં શનિવારે બપોરે એક યુવક-યુવતીનો મૃતદેહ શંકાસ્પદ હાલતમાં પડ્યો હતો. બંનેને છાતીમાં ગોળી વાગી હતી. માહિતી મળતાં જ એસપી રાજેશ દ્વિવેદીએ ઘટનાસ્થળે પહોંચી તપાસ કરી હતી. લાશ પાસે એક પિસ્તોલ પડેલી મળી હતો. યુવતીના લગ્ન 16 મેના રોજ થવાના હતા.

શું છે મામલો

બિલગ્રામ નગરના મંડાઈ મોહલ્લામાં રહેતો શ્યામ બરફનું વેચાણ કરતો હતો. તેનું રફાયતગંજ મોહલ્લામાં રહેતી તબસ્સુમ સાથે અફેર હતું. આ દરમિયાન તબસ્સુમના લગ્નની તારીખ નક્કી થઈ ગઈ હતી. શનિવારે તબસ્સુમના પરિવારના સભ્યો ખેતરમાં ગયા હતા અને તે ઘરે એકલી હતી. બપોરે પરત ફર્યા ત્યારે તબસ્સુમ મળી ન હતી. દરમિયાન પીપળ ચોકડી પર બંધ સીએચસીમાં એક યુવક અને હિજાબ પહેરેલી યુવતીની લાશ પડી હોવાની માહિતી તેમને મળી હતી. યુવતીએ હિજાબ પહેર્યો છે.જે બાજ પરિવારજનોએ ત્યાં પહોંચીને બંનેની ઓળખ શ્યામુ અને તબસ્સુમ તરીકે કરી હતી. તેઓની લાશ જમીન પર પાથરેલી ચાદર પર પડ્યા હતા. થોડે દૂર એક પિસ્તોલ પડી હતી.

યુવતીના પિતાએ શું લગાવ્યો આરોપ

ખંડેરમાં પ્રેમી પંખીડાની લાશ હોવાની માહિતી મળતાં જ લોકોનું ટોળું એકત્ર થઈ ગયું હતું એસપી રાજેશ દ્વિવેદી ફોરેન્સિક ટીમ સાથે પહોંચ્યા હતા. શ્યામુના પરિવારજનોએ કંઈ કહ્યું ન હતું, પરંતુ તબસ્સુમના પિતા ઝાકિરે શ્યામુ પર પુત્રીની હત્યાનો આરોપ લગાવ્યો છે. પોલીસ ફરિયાદમાં તેણે જણાવ્યું કે તબસ્સુમના લગ્ન નક્કી હતા. શ્યામુ લગ્નનો વિરોધ કરી રહ્યો હતો. શ્યામુ તેની દીકરીને પ્રેમ કરતો હતો અને તેની સાથે લગ્ન કરવા દબાણ કરતો હતો. શનિવારે તબસ્સુમ દવા લેવા આવી હતી. આ દરમિયાન તેણે તેણીને બોલાવી અને સીએચસીમાં લઈ જઈ તેણીની હત્યા કરી અને પોતાને ગોળી મારી દીધી.

એસપી એ શું કહ્યું

એસપી રાજેશ દ્વિવેદીએ જણાવ્યું કે, શ્યામુએ તબસ્સુમની હત્યા કરીને પોતે પણ આત્મહત્યા કરી હોવાનું પ્રાથમિક તપાસમાં જાણવા મળ્યું છે. તેમ છતાં પોલીસ તમામ મુદ્દાઓની તપાસ કરી રહી છે.