Government Jobs : સરકારી નોકરીની ઉજળી તક, માત્ર 8 થી 12 પાસ ઉમેદવારો કરી શકે છે અરજી

સેનેટરી ઈન્સ્પેક્ટર, જુનિયર ક્લાર્ક, મદદનીશ શિક્ષક, ઈલેક્ટ્રિશિયન, પાઈપ ફીટર, પંપ એટેન્ડન્ટ, ચોકીદાર, પટાવાળા, માળી, આયા અને સફાઈકર્મીની જગ્યાઓ માટે ભરતી હાથ ધરાશે.

Government Jobs

Jabalpur Cantonment Board Recruitment 2022: જો તમે સરકારી નોકરી શોધી રહ્યા છો તો તમારા માટે સારા સમાચાર છે. જબલપુર કેન્ટોન્મેન્ટ બોર્ડે એક ભરતીની સૂચના બહાર પાડી છે, જે મુજબ બોર્ડ વિવિધ જગ્યાઓ ભરવા જઈ રહ્યું છે. જેમના માટે ટૂંક સમયમાં અરજીની પ્રક્રિયા શરૂ થશે. આ ભરતી માટે અરજી કરવા માટે ઉમેદવારોએ સત્તાવાર વેબસાઇટ mponline.gov.in ની મુલાકાત લેવી પડશે. આ અભિયાન 19 ડિસેમ્બરથી શરૂ થશે, જે 8 જાન્યુઆરી સુધી ચાલશે.

આ અભિયાન દ્વારા જબલપુર કેન્ટોન્મેન્ટ બોર્ડ સેનેટરી ઈન્સ્પેક્ટર, જુનિયર ક્લાર્ક, મદદનીશ શિક્ષક, ઈલેક્ટ્રિશિયન, પાઈપ ફીટર, પંપ એટેન્ડન્ટ, ચોકીદાર, પટાવાળા, માળી, આયા અને સફાઈકર્મીની જગ્યાઓ માટે ભરતી હાથ ધરાશે. આ અભિયાન 47 ખાલી જગ્યાઓની ભરતી માટે ચલાવવામાં આવશે.

શૈક્ષણિક લાયકાત

સેનેટરી ઈન્સ્પેક્ટરની જગ્યા માટે અરજી કરનાર ઉમેદવારે B.Sc અથવા ડિપ્લોમા પાસ કરેલ હોવો જોઈએ. જુનિયર ક્લાર્કની જગ્યા માટે ઉમેદવાર 12 પાસ હોવો જોઈએ. આ સાથે હિન્દી અને અંગ્રેજી ટાઈપિંગ પણ આવવું જોઈએ. જ્યારે મદદનીશ શિક્ષક, બીએડ, ઇલેક્ટ્રિશિયન, પાઇપ ફિટર અને મોટર પંપ એટેન્ડન્ટની પોસ્ટ માટે આઇટીઆઇ સાથે 12મું પાસ હોવું જરૂરી છે. જ્યારે ચોકીદાર, પટાવાળા, માળી, આયા, સફાઈવાળાની જગ્યા માટે અરજી કરનાર ઉમેદવાર 8મું પાસ હોવું આવશ્યક છે.

વય મર્યાદા

ભરતી માટે અરજી કરનાર ઉમેદવારની ઉંમર 21 થી 30 વર્ષની વચ્ચે હોવી જોઈએ. જ્યારે અનામત વર્ગના ઉમેદવારોને સરકારની માર્ગદર્શિકા મુજબ ઉપલી વય મર્યાદામાં છૂટછાટ મળશે.

કેટલો મળશે પગાર

સેનેટરી ઇન્સ્પેક્ટરની પોસ્ટ માટે પસંદ કરાયેલ ઉમેદવારોને 28,700 થી 91,300 રૂપિયા.

જુનિયર ક્લાર્કની પોસ્ટ માટે 25,300 થી 80,500.

સહાયક શિક્ષકની જગ્યા માટે 25,300 થી 80,500.

ઇલેક્ટ્રિશિયનની પોસ્ટ માટે 25,300 થી 80,500.

પાઇપ ફીટર અને પંપ એટેન્ડન્ટની પોસ્ટ માટે 19,500 થી 62,000.

ચોકીદાર, પટાવાળા, માળી, આયા, સફાઈકર્મીની પોસ્ટ માટે 15,500 થી 49,000.

ક્યારે કરી શકાશે અરજી? 

ભરતી માટેની અરજી પ્રક્રિયાની શરૂઆત - 19 ડિસેમ્બર 2022

ભરતી માટેની અરજી પ્રક્રિયાની છેલ્લી તારીખ - 08 જાન્યુઆરી 2023

ગુજરાતમાં સરકારી નોકરી મેળવવા ઈચ્છતા ઉમેદવારો માટે કામના સમાચાર, અહીં નીકળી બંપર ભરતી, મળશે તગડો પગાર

ગુજરાતમાં સરકારી નોકરી કરવા ઈચ્છતા ઉમેદવારો માટે સારા સમાચાર છે. ગુજરાત જાહેર સેવા આયોગ (GPSC) એ માર્ગ અને મકાન વિભાગ હેઠળ સહાયક ઇજનેર (સિવિલ) વર્ગ-2 (GPSC ભરતી 2022) ની જગ્યાઓ પર અરજીઓ મંગાવી છે. આ પદો માટે નોંધણી પ્રક્રિયા ચાલી રહી છે અને થોડા દિવસોમાં તેના માટે અરજી કરવાની છેલ્લી તારીખ પણ આવશે. તેથી, જો તમે આ ખાલી જગ્યાઓ માટે અરજી કરવા પાત્ર છો, તો છેલ્લી તારીખ પહેલા નિયત ફોર્મેટમાં અરજી કરો.