GPSC Recruitment 2024: GPSCએ બહાર પાડી આસિસ્ટન્ટ એન્જિનિયરની ભરતી, જાણો ક્યાં સુધી કરી શકશો અરજી?

GPSC Recruitment 2024: જો તમે નોકરી શોધી રહ્યા છો તો આ સમાચાર તમારા માટે ખૂબ જ મહત્વપૂર્ણ છે

જીપીએસસી

GPSC Jobs 2024: જો તમે નોકરી શોધી રહ્યા છો તો આ સમાચાર તમારા માટે ખૂબ જ મહત્વપૂર્ણ છે. ગુજરાત જાહેર સેવા આયોગ (GPSC) એ નર્મદા જળ સંસાધન, પાણી પુરવઠા અને કલ્પસર વિભાગ હેઠળ મદદનીશ એન્જિનિયર (મિકેનિકલ) વર્ગ-2 ની જગ્યાઓ પર ભરતી માટે ઓનલાઈન અરજીઓ મંગાવી છે. જેના માટે અરજી કરવાની પ્રક્રિયા શરૂ થઈ ગઈ છે. રસ ધરાવતા અને લાયક ઉમેદવારો સત્તાવાર સાઇટ gpsc.gujarat.gov.in પર જઈને અરજી કરી શકે છે. ઉમેદવારો આ ભરતી માટે 3 ઓક્ટોબર, 2024 સુધી અરજી કરી શકે છે. ઉપરાંત ઉમેદવારો અહીં આપેલા સ્ટેપને ફોલો કરીને અરજી કરી શકે છે. નોટિફિકેશન અનુસાર, આ ભરતી અભિયાન હેઠળ કુલ 34 સહાયક ઇજનેર (AE) ની જગ્યાઓ ભરવામાં આવશે.

GPSC Jobs 2024: શૈક્ષણિક લાયકાત

ઉમેદવાર પાસે કોઈપણ માન્ય યુનિવર્સિટીમાંથી મિકેનિકલ એન્જિનિયરિંગમાં સ્નાતકની ડિગ્રી હોવી આવશ્યક છે. આ ઉપરાંત ઉમેદવારને ગુજરાતી કે હિન્દી ભાષાનું જ્ઞાન હોવું જોઈએ.

GPSC Jobs 2024:વય મર્યાદા

અરજી કરનાર ઉમેદવારની ઉંમર 21 થી 35 વર્ષની વચ્ચે હોવી જોઈએ. અનામત વર્ગના ઉમેદવારોને ટોચની વય મર્યાદામાં છૂટછાટ આપવામાં આવી છે.

GPSC Jobs 2024: અરજી ફી

જનરલ કેટેગરીના ઉમેદવારોએ 100 રૂપિયાની અરજી ફી ચૂકવવાની રહેશે. જ્યારે ગુજરાત રાજ્યના અનામત વર્ગ/EWS/ભૂતપૂર્વ સૈનિકો અને વિકલાંગ ઉમેદવારોએ કોઈપણ અરજી ફી ચૂકવવાની રહેશે નહીં. અન્ય રાજ્યોના અનામત વર્ગના ઉમેદવારોએ અરજી ફી ચૂકવવાની રહેશે.

પ્રારંભિક પરીક્ષાની સંભવિત તારીખ 1 જાન્યુઆરી, 2025 નક્કી કરવામાં આવી છે. પરીક્ષાનું પરિણામ એપ્રિલમાં જાહેર કરવામાં આવશે. ઇન્ટરવ્યૂની સંભવિત તારીખ જૂન 2025 છે. અંતિમ પરિણામો ઇન્ટરવ્યૂની છેલ્લી તારીખના 10 કાર્યકારી દિવસોમાં જાહેર કરવામાં આવશે. વધુ વિગતો માટે ઉમેદવારો સત્તાવાર સાઇટની મદદ લઈ શકે છે.                       

કેવી રીતે અરજી કરવી?

સ્ટેપ 1: સત્તાવાર વેબસાઇટ gpsc-ojas.gujarat.gov.in પર જાવ.

સ્ટેપ 2: હોમપેજ પર રજિસ્ટ્રેશન લિંક પર ક્લિક કરો.

સ્ટેપ 3: એક OTR લોગિન બનાવો અને એપ્લિકેશન પ્રક્રિયા સાથે આગળ વધો.

સ્ટેપ 4: જરૂરી દસ્તાવેજો અપલોડ કરો, ફી ચૂકવો અને ફોર્મ સબમિટ કરો.

સ્ટેપ 5: વધુ જરૂરિયાત માટે ફોર્મની પ્રિન્ટ આઉટ લો.