Jobs 2023: 10થી લઇને ગ્રેજ્યુએશન પાસ કરી શકશે આ સરકારી નોકરી માટે અરજી, જાણો કઇ છે છેલ્લી તારીખ?

Jobs 2023: આ ભરતી ડ્રાઈવ મારફતે કુલ 1899 જગ્યાઓ માટે ઉમેદવારોની ભરતી કરવામાં આવશે

પ્રતિકાત્મક તસવીર

Government Job: ઈન્ડિયા પોસ્ટે થોડા સમય પહેલા ઘણી જગ્યાઓ માટે ભરતીની જાહેરાત કરી હતી. આ માટે અરજી કરવાની પ્રક્રિયા લાંબા સમયથી ચાલી રહી છે અને હવે અરજી કરવાની છેલ્લી તારીખ પણ આવી ગઈ છે. તેથી જે ઉમેદવારો કોઈ કારણોસર હજુ સુધી અરજી કરી શક્યા નથી તેઓએ તાત્કાલિક ફોર્મ ભરવું જોઈએ. ઈન્ડિયા પોસ્ટની આ જગ્યાઓ માટે અરજી કરવાની છેલ્લી તારીખ 9 ડિસેમ્બર 2023 છે.

એપ્લિકેશન સંબંધિત મહત્વપૂર્ણ વિગતો જાણો

ઈન્ડિયા પોસ્ટની આ ભરતી ડ્રાઈવ દ્વારા કુલ 1899 જગ્યાઓ માટે ઉમેદવારોની ભરતી કરવામાં આવશે. આ ખાલી જગ્યાઓ ઈન્ડિયા પોસ્ટ સંચાર મંત્રાલય દ્વારા બહાર પાડવામાં આવી છે. આ 1899 જગ્યાઓમાંથી 598 જગ્યા પોસ્ટ આસિસ્ટન્ટ માટે, 143 શોર્ટનિંગ આસિસ્ટન્ટ માટે, 585 પોસ્ટમેન માટે, 570 MTS માટે અને 3 પોસ્ટ્સ મેઈલ ગાર્ડ માટે છે.

આ પોસ્ટ્સ સ્પોર્ટ્સ ક્વોટા હેઠળ આવે છે. ડિપાર્ટમેન્ટ ઓફ પોસ્ટ્સ (DOP), ભારત સરકાર આ જગ્યાઓ પર ભરતી કરશે. અરજીઓ માત્ર ઓનલાઈન જ થશે. આ માટે તમારે DOPની સત્તાવાર વેબસાઇટ પર જવું પડશે, જેનું એડ્ર્સ છે - dopsportsrecruitment.cept.gov.in.

આ પોસ્ટ્સની ખાસ વાત એ છે કે 10 પાસથી લઈને ગ્રેજ્યુએશન પાસ ઉમેદવારો તેના માટે અરજી કરી શકે છે. તમે જે પોસ્ટ માટે અરજી કરી શકો છો તે મુજબ ફોર્મ ભરો. પસંદગી માટે કોઈપણ પ્રકારની પરીક્ષા આપવાની જરૂર નથી. પસંદગી માત્ર મેરિટના આધારે કરવામાં આવશે. પસંદગી પામેલ ઉમેદવારને દર મહિને ઓછામાં ઓછા 18 હજાર રૂપિયાથી લઈને વધુમાં વધુ 81 હજાર રૂપિયા સુધીનો પગાર મળશે. અરજી કરવા માટે ઉમેદવારોએ 100 રૂપિયા ફી ચૂકવવાની રહેશે. આ વિશે કોઈપણ માહિતી મેળવવા માટે ફક્ત સત્તાવાર વેબસાઇટની મુલાકાત લો.

ઈન્ડસ્ટ્રિયલ ડેવલપમેન્ટ બેન્ક ઓફ ઈન્ડિયા એટલે કે IDBI બેન્કે ઘણી સ્પેશિયાલિસ્ટ કેડર ઓફિસરની જગ્યાઓ માટે અરજીઓ આમંત્રિત કરી છે. જો તમે નોકરી માટે પસંદ થશો તો તમને સારો પગાર મળશે. જે ઉમેદવારો આ ખાલી જગ્યાઓ માટે ફોર્મ ભરવા માંગે છે તેઓ બેન્કની વેબસાઈટ પર જઈને અરજી કરી શકે છે. આ કરવા માટે IDBI બેન્કની સત્તાવાર વેબસાઇટનું સરનામું છે – idbibank.in. તમે અહીંથી આ ભરતીઓની વિગતો પણ જાણી શકો છો.

IDBI બેન્કે સ્પેશિયાલિસ્ટ કેડર ઓફિસરની પોસ્ટ માટે આ ભરતીઓ કરી છે. આ માટેની અરજીઓ હજુ શરૂ થઈ નથી. રજીસ્ટ્રેશન લિંક 9મી ડિસેમ્બર 2023ના રોજ ખુલશે અને ફોર્મ ભરવાની છેલ્લી તારીખ 25મી ડિસેમ્બર 2023 છે.