Sarkari Naukri: જો મળી જશે આ સરકારી નોકરી તો થઇ જશે મૌજ, પગાર અઢી લાખ ને ઉંમર મર્યાદા 48 વર્ષ સુધીની...

THDC India Limited Recruitment 2024: THDCILએ ઘણી જગ્યાઓ માટે ભરતીની જાહેરાત કરી છે. 17મી જુલાઈથી અરજીઓ સ્વીકારવામાં આવી રહી છે અને ફોર્મ ભરવાની છેલ્લી તારીખ 16મી ઓગસ્ટ 2024 છે

(તસવીર- એબીપી લાઇવ)

Source : એબીપી લાઇવ

THDC India Limited Recruitment 2024: THDCILએ ઘણી જગ્યાઓ માટે ભરતીની જાહેરાત કરી છે. 17મી જુલાઈથી અરજીઓ સ્વીકારવામાં આવી રહી છે અને ફોર્મ ભરવાની છેલ્લી તારીખ 16મી ઓગસ્ટ 2024 છે. આ પૉસ્ટ્સ નોન એક્ઝિક્યૂટિવની છે. જે ઉમેદવારો જરૂરી લાયકાત ધરાવતા હોય અને આ ખાલી જગ્યાઓ માટે અરજી કરવાની ઈચ્છા ધરાવતા હોય તેમણે છેલ્લી તારીખ પહેલા નિયત ફોર્મેટમાં અરજી કરવી જોઈએ. મહત્વની વિગતો અહીં શેર કરવામાં આવી રહી છે.

વેકેન્સી ડિટેલ્સ - 
આ ભરતી અભિયાન દ્વારા કુલ 55 જગ્યાઓ માટે ઉમેદવારોની ભરતી કરવામાં આવશે. આ પૉસ્ટ્સ મેનેજર, આસિસ્ટન્ટ મેનેજર, સીનિયર મેનેજર, ડેપ્યૂટી મેનેજરની છે અને અલગ-અલગ ગ્રેડ હેઠળ ભરવામાં આવશે. આ સિવાય સીનિયર મેડિકલ ઓફિસરની પણ કેટલીક જગ્યાઓ છે. ગ્રેડ મુજબ તેમના માટે અરજી કરવાની પાત્રતા અલગ છે અને તે મુજબ પગાર પણ અલગ છે.

કોણ કરી શકે છે અરજી 
પૉસ્ટ અનુસાર પાત્રતા જોવા માટે તમારે સત્તાવાર વેબસાઇટ પર આપવામાં આવેલી સૂચના તપાસવી પડશે. સામાન્ય રીતે કહીએ તો જે ઉમેદવારોએ સંબંધિત ક્ષેત્રમાં BE અથવા B.Tech કર્યું છે, અને ઓછામાં ઓછા 60 ટકા માર્ક્સ મેળવ્યા છે તેઓ અરજી કરી શકે છે. પૉસ્ટ અનુસાર વય મર્યાદા 32 વર્ષ, 34 વર્ષ, 40 વર્ષ, 45 વર્ષ અને 48 વર્ષ છે. વરિષ્ઠ મેનેજર E – 6 ગ્રેડ માટે વય મર્યાદા 48 વર્ષ છે.

કઇ રીતે થશે પસંદગી  
આ પદો માટે ઉમેદવારોની પસંદગી ટૂંકી યાદી અને ઇન્ટરવ્યૂ દ્વારા કરવામાં આવશે. પ્રાપ્ત થયેલી અરજીઓને પહેલા શૉર્ટલિસ્ટ કરવામાં આવશે અને પછી પસંદ કરાયેલા ઉમેદવારોને વ્યક્તિગત ઇન્ટરવ્યૂ માટે બોલાવવામાં આવશે. જો અરજીઓની સંખ્યા વધુ હોય તો લેખિત પરીક્ષા લેવામાં આવી શકે છે. જો માર્કસના વેઇટેજની વાત કરીએ તો જનરલ અને EWS માર્કસને 50 ટકા વેઇટેજ આપવામાં આવશે અને OBC, SC, ST, PH, એક્સ-સર્વિસમેન માર્કસને 30 ટકા વેઇટેજ આપવામાં આવશે.

પગાર કેટલો મળશે 
પગાર પણ પૉસ્ટ પ્રમાણે બદલાય છે. ઉદાહરણ તરીકે, E-6 ગ્રેડની પોસ્ટનો પગાર 90 હજાર રૂપિયાથી લઈને 2.40 લાખ રૂપિયા પ્રતિ મહિને છે. E-5ની સેલરી 80 હજાર રૂપિયાથી લઈને 2.20 લાખ રૂપિયા પ્રતિ મહિના સુધીની છે. આમ, E-4 પોસ્ટનો પગાર  70 હજારથી 1.80 લાખ રૂપિયા સુધીનો છે.

ઓનલાઇન કરો અરજી 
આ જગ્યાઓ માટે અરજીઓ માત્ર ઓનલાઈન જ કરી શકાશે. આ માટે તમારે THDCIL ની ઓફિશિયલ વેબસાઈટ thdc.co.in પર જવું પડશે. તમે અહીંથી પણ અરજી કરી શકો છો અને આ પૉસ્ટ્સની વિગતો જાણી શકો છો. જો પસંદ કરવામાં આવે તો પૉસ્ટિંગ સમગ્ર ભારતમાં ગમે ત્યાં થઈ શકે છે.

ફી કેટલી ચૂકવવી પડશે  
અરજી માટે જનરલ, OBC અને EWS કેટેગરીના ઉમેદવારોએ 600 રૂપિયાની ફી ચૂકવવી પડશે. SC, ST, PH, ભૂતપૂર્વ સૈનિકો અને વિભાગના કર્મચારીઓએ ફી ભરવાની જરૂર નથી.