Mehsana: IELTS માં 8 બેન્ડ છતાં કેનેડાથી અમેરિકા બોટમાં બેસીને જતા પકડાયા 8 યુવકો, જાણો પછી શું થયું

પકડાયેલા યુવકોને અમેરિકાની કૉર્ટમાં રજૂ કરાતા સમગ્ર ભાંડો ફૂટ્યો હતો. કૉર્ટમાં રજૂ કરતા કાર્યવાહીમાં આ યુવકો અંગ્રેજી જ ન બોલી શકતા પર્દાફાશ થયો હતો.

તસવીરનો ઉપયોગ પ્રસ્તુતિકરણ માટે કરવામાં આવ્યો છે

Mehsana News: IELTSમાં આઠ બેંડ મેળવી ચાર યુવકને અમેરિકા મોકલવાના કૌભાંડનો પર્દાફાશ થયો છે. મહેસાણાના માંકણજ, ધામણવા, રામનગર અને સંગણપુરના યુવકો અંગે તપાસ શરૂ કરવામાં આવી છે. અંગ્રેજી ન આવડતું હોવા છતાં IELTSમાં 8 બેંડ કેવી રીતે મળ્યા તે અંગે તપાસ શરૂ કરવામાં આવી છે પહેલા કેનેડા અને કેનેડાથી અમેરિકા બોટ મારફતે જતા પકડાઈ ગયા હતા.

કેવી રીતે ફૂટ્યો ભાંડો

પકડાયેલા યુવકોને અમેરિકાની કૉર્ટમાં રજૂ કરાતા સમગ્ર ભાંડો ફૂટ્યો હતો. કૉર્ટમાં રજૂ કરતા કાર્યવાહીમાં આ યુવકો અંગ્રેજી જ ન બોલી શકતા પર્દાફાશ થયો હતો. જે બાદ 8 બેંડ કેવી રીતે મળ્યા તેને લઈને પણ સવાલ છે.

પોલીસે એજન્ટોની ઉલટ તપાસ શરૂ કરી

અમેરિકન એમ્બસીએ મુંબઈ એમ્બસીને જાણ કરી હતી. મુંબઈ એમ્બસી તરફથી મહેસાણા પોલીસને જાણ કરવામાં આવી હતી જેના પગલે મહેસાણા પોલીસવડાએ SOGને તપાસ સોંપી છે. અંગ્રેજી ન આવડતું હોવા છતાં 8 બેંડ મેળવી ધ્રુવ પટેલ, નીલ પટેલ, ઉર્વીશ પટેલ અને સાવન પટેલ વિદેશ પહોંચ્યા હતાં. પોલીસે IELTS પરીક્ષા અને એજન્ટોની ઉલટ તપાસ શરૂ કરી છે.

આ પણ વાંચો