Reading Tips : તમારા બાળકને આ રીતે વાંચતુ કરો, થશે અઢળક ફાયદા

ટેક્નોલોજી ભલે ગમે તેટલી અદ્યતન હોય પણ એ વાત કોઈનાથી છુપાયેલી નથી કે, વાંચનની આદત જીવનમાં આગળ વધવામાં હંમેશા મદદ કરે છે. આવી સ્થિતિમાં સમય ગમે તેટલો હોય, પુસ્તકો વાંચવું એ ખોટનો સોદો ન હોઈ શકે.

Reading Habits

How To Improve Reading Skills In Kids: બદલાતા સમય અને ટેક્નોલોજીના વધતા ઉપયોગને કારણે બાળકોની વાંચનની ટેવ લગભગ અદૃશ્ય થઈ રહી છે. અભ્યાસક્રમના પુસ્તકોને બાજુએ મૂકીએ તો બહુ ઓછા બાળકોને પુસ્તકો વાંચવાનું ગમે છે. ટેક્નોલોજી ભલે ગમે તેટલી અદ્યતન હોય પણ એ વાત કોઈનાથી છુપાયેલી નથી કે, વાંચનની આદત જીવનમાં આગળ વધવામાં હંમેશા મદદ કરે છે. આવી સ્થિતિમાં સમય ગમે તેટલો હોય, પુસ્તકો વાંચવું એ ખોટનો સોદો ન હોઈ શકે. ચાલો જાણીએ કે બાળકોમાં વાંચનની આદત કેવી રીતે વિકસાવવી અને વધારવી.

રસપ્રદ પુસ્તકો કરો પસંદ 

બાળકોને વાંચનમાં જોડવા માટે જરૂરી છે કે, તેઓ જે પુસ્તકો પસંદ કરે છે તે તેમના ટેસ્ટના હોય. આ રીતે શરૂ કરો અને પછીથી જે જરૂરી હોય તે વાંચવા માટે પ્રેરણા આપો. તેમને એ જ ક્ષેત્રના પુસ્તકો લાવો જેમાં તેઓ રસ ધરાવતા હોય જેમ કે સાહિત્ય, નાટક, રોમાન્સ અથવા બીજુ કંઈપણ. એકવાર શરૂઆત કરી લેવી જોઈએ પછી આગળ બીજી બાબતોનો અભ્યાસ કરવાનું કહી શકાય.

નાના-નાના લક્ષ્યો નક્કી કરો 

બાળકોને વાંચનનો બોજ ન લાગે, તેથી શરૂઆતમાં નાના પુસ્તકો લાવો. જ્યારે તેઓ તેમને સમાપ્ત કરે ત્યારે તેમની પ્રશંસા કરો અને જો શક્ય હોય તો નાની ભેટ આપો. એક સમયે કલાકો સુધી વાંચવાની અથવા થોડા દિવસોમાં પુસ્તક સમાપ્ત કરવાની અપેક્ષા રાખશો નહીં. તેમને એ પણ સમજાવો કે, ભલે તમે ઓછું વાંચો પણ તમે જે વાંચો છો તેનો આનંદ માણો ના કે તેને એક કામ તરીકે લો. 

પુસ્તકની સમીક્ષા કરાવો 

તેની સાથે દરરોજ પુસ્તક વિશે વાત કરો. પૂછો કે તેઓ આજે શું વાંચે છે અને તેમને પુસ્તક કેવી રીતે ગમ્યું. જો શક્ય હોય તો, તેમની સાથે વાંચન કરો. બાળકો તેમને સાંભળવા કરતાં તમને જોઈને વધુ શીખે છે. આના કારણે તેમની શબ્દભંડોળ પણ સુધરે છે, તેઓ નવી વસ્તુઓ શીખે છે અને વાંચનની ઝડપ વધારીને અભ્યાસક્રમના અભ્યાસ દરમિયાન પણ મદદ કરે છે.

ગ્રુપમાં જોડાઈ શકે 

રસ જાળવી રાખવા માટે તમે તેમને વાંચન જૂથો વગેરેમાં જોડાવા માટે કરી શકો છો. જ્યારે લોકો રોજ તેમના પુસ્તક વિશે અને તેમના વાંચનના અનુભવ વિશે વાત કરે છે, ત્યારે તેઓ પણ તેમના ક્રમ માટે ઉત્સાહિત થશે અને તેના માટે અગાઉથી તૈયારી કરશે. એ જ રીતે આનાથી ટીવી અને અન્ય ઈલેક્ટ્રોનિક વસ્તુઓ સાથે તેમનું ઈન્વોલ્મેન્ટ પણ ઘટશે.