‘મહાભારત’માં આ એક્ટ્રેસને દ્રૌપદીની ભૂમિકામાં જોવા માગે છે આમિર ખાન

આ ફિલ્મને પ્રોડ્યુસ કરવાની જવાબદારી મુકેશ અંબાણીએ ઉઠાવી છે. આ ફિલ્મનું બજેટ આશરે 1000 કરોડ રૂપિયા જેટલું હશે. મીડિયા સાથે આ ફિલ્મ વિશે વાત કરતાં આમિર ખાને જણાવ્યું હતું કે, ‘મને આ ફિલ્મ કરવામાં ખૂબ જ ડર લાગી રહ્યો છે, કારણકે આ ફિલ્મ મારા જીવનના 15-20 વર્ષ લઈ શકે છે.’ નોંધનીય છે કે આ પહેલા આમિર ફિલ્મમાં ભગવાન કૃષ્ણનો રોલ કરવાની ઈચ્છા વ્યક્ત કરી ચૂક્યો છે.

જો બધું જ ઠીક રહ્યું અને દીપિકા આ ફિલ્મ કરવા રાજી થઈ તો તે પહેલીવાર આમિર ખાન સાથે સ્ક્રિન શૅર કરતી જોવા મળશે. જોકે, હજુ એ કહેવું મુશ્કેલ છે કે દીપિકા આ ફિલ્મ માટે હા પાડશે કે નહિ.