લગ્ન કર્યાના ગણતરીના કલાકોમાં જ હનીમૂન માટે ઉપડી નેહા, ક્યાં મનાવશે હનીમૂન, જાણો વિગત

નેહા અને અંગદે દિલ્હીના એક ગુરુદ્વારામાં પંજાબી રીત-રિવાજોથી લગ્ન કર્યા હતા. હાલમાં જ બોલિવુડની એક્ટ્રેસ સોનમ કપૂરે પોતાના બેસ્ટ ફ્રેન્ડ આનંદ આહુજા સાથે લગ્ન કર્યા હતા.

અંગદ બેદી પૂર્વ ભારતીય ક્રિકેટર બિશન સિંહ બેદીના પુત્ર છે. અંગદે 2011માં ફિલ્મ ફાલતૂથી બોલિવુડમાં ડેબ્યુ કર્યું હતું. સાથે જ તે પિંક, ઉંગલી અને ટાઈગર જિન્દા હૈ જેવી ફિલ્મોમાં જોવા મળ્યો હતો. તેમજ ખતરો કે ખિલાડીની સીઝન 3માં પણ જોવા મળ્યો હતો.

ઉલ્લેખનીય છે કે, નેહાએ પોતાના લગ્નના સમાચાર બધાંથી છુપાવીને રાખ્યા હતા અને કોઈને તેની ખબર પણ પડવા દીધી નહોતી. ખાસ મહેમાનોની ઉપસ્થિતિમાં જ લગ્ન કરાયા હતા.

સૂત્રોના જણાવ્યા પ્રમાણે, નેહા ધૂપિયા અને અંગદ થોડા દિવસો માટે હનિમૂન પર અમેરિકા જઈ રહ્યાં છે. આ તસવીરોમાં બંનેની ખુશી સ્પષ્ટ જોઈ શકાય છે. નેહા ધૂપિયાએ કહ્યું હતું કે, આ તેમના જીવનનો સૌથી મોટો નિર્ણય હતો અને તે પોતાના બેસ્ટ ફ્રેન્ડ અંગદ સાથે લગ્ન કરીને બહુ જ ખુશ છે.

લગ્નના દિવસે જ ગુરુવારે સાંજે નેહા ધૂપિયા અને અંગદ બેદી દિલ્હી એરપોર્ટ પર કેમેરામાં કેદ થયા હતા, જ્યાંથી તેઓ હનિમૂન માટે જવા રવાના થયા હતાં. દિલ્હી એરપોર્ટ પર નેહા અને અંગદ બંને કેઝ્યુઅલ આઉટફીટમાં જોવા મળ્યા હતાં.

મુંબઈ: ગુરુવાર બોલિવુડની અભિનેત્રી નેહા ધૂપિયા અને અંગદ બેદીના લગ્નના સમાચાર આવવાથી બધા ચોંકી ગયા હતા. નેહા અને અંગદે ખુદ સોશિયલ મીડિયા પર લગ્નની માહિતી આપી હતી.