Jawan: 'જવાન'ની રિલીઝ ડેટમાં થશે ફેરફાર, શાહરૂખ ખાનની ફિલ્મને લઈને સામે આવ્યા મોટા સમાચાર
Shah Rukh Khan Jawan Release Date: સુપરસ્ટાર શાહરૂખ ખાનની આગામી ફિલ્મ 'જવાન'ને લઈને દરેક લોકો ખૂબ જ ઉત્સાહિત છે. 'પઠાન'ની અપાર સફળતા બાદ દરેક વ્યક્તિ શાહરૂખ ખાનની 'જવાન'ની આતુરતાથી રાહ જોઈ રહ્યા છે.
Shah Rukh Khan Jawan Release Date: હિન્દી સિનેમાના સુપરસ્ટાર શાહરૂખ ખાનની આગામી ફિલ્મ 'જવાન'ને લઈને દરેક લોકો ખૂબ જ ઉત્સાહિત છે. 'પઠાન'ની અપાર સફળતા બાદ દરેક વ્યક્તિ શાહરૂખ ખાનની 'જવાન'ની આતુરતાથી રાહ જોઈ રહ્યા છે. આ દરમિયાન સાઉથ સિનેમાના દિગ્ગજ દિગ્દર્શક એટલીના નિર્દેશનમાં બનેલી 'જવાન'ને લઈને એક મોટી માહિતી સામે આવી છે. જેના કારણે 'જવાન'ની રિલીઝ ડેટને લઈને ચર્ચાઓ તેજ થઈ છે.
'જવાન'ની રિલીઝ ડેટને લઈને થશે ફેરફાર
ગયા વર્ષે જૂન મહિનામાં સુપરસ્ટાર શાહરૂખ ખાને તેની આગામી ફિલ્મ 'જવાન'નું ટીઝર રિલીઝ કર્યું હતું. ત્યારથી દરેક વ્યક્તિ શાહરૂખની 'જવાન' ને લઈને ઉત્સાહિત છે. દરમિયાન, હવે સમાચાર આવી રહ્યા છે કે 'જવાન'ની રિલીઝ ડેટ બદલાઈ શકે છે. વાસ્તવમાં પ્રખ્યાત ફિલ્મ વિવેચક સુમિત કડેલે તેના સત્તાવાર ઇન્સ્ટાગ્રામ હેન્ડલ પર લેટેસ્ટ પોસ્ટ શેર કરી છે. સુમિતની આ પોસ્ટ શાહરૂખ ખાનની આગામી ફિલ્મ 'જવાન' વિશે છે. આ પોસ્ટ દ્વારા સુમિત કડેલે માહિતી આપી છે કે- 'શાહરૂખ ખાનની ફિલ્મ 'જવાન'ની રિલીઝ ડેટ બદલાય છે.
View this post on Instagram
આ સાથે હવે 'જવાન' 2 જૂન, 2023ના રોજ સિનેમાઘરોમાં રિલીઝ થશે. જો કે, હજુ સુધી 'જવાન'ના નિર્માતાઓ તરફથી આ બાબતે કોઈ અપડેટ સામે આવ્યું નથી. તેમજ ફિલ્મની નવી રીલીઝ ડેટ અંગે કોઈ માહિતી જાહેર કરવામાં આવી નથી.
સૌ કોઈને 'જવાન'ની રિલીઝ રાહ છે
દરેક વ્યક્તિ શાહરૂખ ખાનની 'જવાન'ની રાહ જોઈ રહ્યા છે. હોઈ પણ કેમ નહીં કારણ કે શાહરૂખ ખાન સાઉથ સિનેમાના સુપરસ્ટાર વિજય સેતુપતિ સાથે પહેલીવાર 'જવાન'માં જોવા મળવાનો છે. આટલું જ નહીં, સાઉથ સિનેમાની દિગ્ગજ અભિનેત્રી નયનતારા પણ 'જવાન'માં શાહરૂખ ખાન સાથે પોતાની અભિનયની કૌશલ્ય દેખાડતી જોવા મળશે.
શાહરૂખ ખાનની 'પઠાણ' બનશે સૌથી વધુ કમાણી કરનારી ફિલ્મ
બોલિવૂડ સુપરસ્ટાર શાહરૂખ ખાનની ફિલ્મ 'પઠાણ'નો જાદુ ચાહકોમાં યથાવત છે. રિલીઝના 24 દિવસ પછી પણ ફિલ્મ પઠાણ શાનદાર કમાણી કરી રહી છે. બોક્સ ઓફિસ પર જોરદાર કમાણી કરનાર 'પઠાણ' ટૂંક સમયમાં સૌથી વધુ કમાણી કરનારી ફિલ્મ બનવા જઈ રહી છે. શાહરૂખ ખાનની ફિલ્મ સાઉથ સિનેમાની ટોપ બ્લોકબસ્ટર 'બાહુબલી 2'નો રેકોર્ડ તોડવા જઈ રહી છે. શનિવારે જાણીતી ટ્રેડ એનાલિસ્ટ તરણ આદર્શે તેમના સત્તાવાર ટ્વિટર હેન્ડલ પર શાહરૂખ ખાન સ્ટારર ફિલ્મ 'પઠાણ'ની કમાણીના નવા આંકડા જાહેર કર્યા હતા. તરણના જણાવ્યા અનુસાર, 'પઠાણ'એ તેની રિલીઝના 24માં દિવસે બોક્સ ઓફિસ પર 2.20 કરોડનું કલેક્શન કર્યું છે. જેના કારણે તમામ ભાષાઓમાં 'પઠાણ'નું કુલ કલેક્શન મળીને કુલ 508.10 કરોડનું કલેક્શન થયું છે. બોલિવૂડ હંગામાના રિપોર્ટ અનુસાર, સાઉથ સુપરસ્ટાર પ્રભાસ સ્ટારર ફિલ્મ બાહુબલી 2 એ સૌથી વધુ 510.99 કરોડ રૂપિયાનું બોક્સ ઓફિસ કલેક્શન કર્યું છે. આવી સ્થિતિમાં ટૂંક સમયમાં જ ફિલ્મ 'પઠાણ' ડિરેક્ટર એસએસ રાજામૌલીની ફિલ્મનો રેકોર્ડ તોડવાની ખૂબ નજીક છે.
ટોપ સ્ટોરી
ટ્રેન્ડિંગ સમાચાર
