'તિહાર જેલમાં તેણે મને કિસ કરી અને ...', સુકેશ ચંદ્રશેખરની ચાર્જશીટમાં મહત્વના ખુલાસાઓ, એક્ટ્રેસે ખોલ્યા અનેક

સુકેશ ચંદ્રશેખરના 200 કરોડના મની લોન્ડરિંગ કેસમાં ત્રીજી પૂરક ચાર્જશીટ દાખલ કરવામાં આવી છે.

ફાઇલ તસવીર

Sukesh Chandrashekhar Chargesheet: સુકેશ ચંદ્રશેખરના 200 કરોડના મની લોન્ડરિંગ કેસમાં ત્રીજી પૂરક ચાર્જશીટ દાખલ કરવામાં આવી છે. આ ચાર્જશીટમાં ઘણા ખુલાસા થયા છે. બોલિવૂડની એક અભિનેત્રીએ આ મામલે કોર્ટમાં પોતાનું નિવેદન નોંધાવ્યું છે. અભિનેત્રીએ જણાવ્યું છે કે મે 2018માં જ્યારે તે સુકેશ ચંદ્રશેખરને મળ્યા બાદ તિહાર જેલમાંથી બહાર આવી ત્યારે પિંકી ઈરાનીએ BMW કારમાં તેની તરફ 2000 રૂપિયાની નોટોનું બંડલ ફેંક્યું અને કહ્યું, "યે રખ, તેરી. "

અભિનેત્રીએ એમ પણ કહ્યું કે ચંદ્રશેખરની સહયોગી ઈરાની ઉર્ફે એન્જલે IGI એરપોર્ટ પર તેના માટે ઘૂંટણની લંબાઈનો સ્કર્ટ ખરીદ્યો હતો અને તેને શોર્ટ્સમાં બદલવા કહ્યું હતું કારણ કે તે તિહારમાં તમામ લોકોનું ધ્યાન એક્ટ્રેસ તરફ આકર્ષિત કરી શકે છે. અભિનેત્રીએ કહ્યું, "જ્યારે તે જેલમાં પ્રવેશ્યા પછી રડવા લાગી ત્યારે ઈરાનીએ તેને વારંવાર કહ્યું કે 'કંઈ નહીં થાય'. ઈરાનીએ તેને માથું નીચું રાખવાનું પણ કહ્યું જેથી તેનો ચહેરો સીસીટીવી કેમેરામાં દેખાઈ ન જાય."

અભિનેત્રીએ સુકેશના ઘણા રહસ્યો જાહેર કર્યા

નિવેદનને ટાંકીને ચાર્જશીટમાં કહેવામાં આવ્યું છે કે, "તિહારમાં અમને ઘણા બધા ગેજેટ્સવાળા રૂમમાં લઈ જવામાં આવ્યા હતા. ત્યારે જ એક વ્યક્તિ રૂમમાં પ્રવેશ્યો અને મને કહેવામાં આવ્યું કે તે સુકેશ ચંદ્રશેખર છે. તેણે બ્રાન્ડેડ કપડાં અને ઘડિયાળ પહેરેલી હતી. માથાથી પગ સુધી સજ્જ હતો. તેણે પોતાનો પરિચય શેખર રેડ્ડી તરીકે આપ્યો. ઈરાનીએ મને કહ્યું કે તે સન ટીવીનો માલિક છે અને જયલલિતાનો ભત્રીજો છે અને વોટિંગ મશીન હેક કરવા બદલ જેલના સળિયા પાછળ છે."

અભિનેત્રીએ આગળ કહ્યું, "મેં તેને બધાની સામે બૂમો પાડી કે તેણે મને મળવા માટે તિહાર જેલમાં કેમ બોલાવી. તેણે મને કહ્યું કે તે મારા પર ક્રશ છે અને લાંબા સમયથી મારી સીરિયલ્સ જોઈ રહ્યો છે. મેં તેને કહ્યું કે મારા બે બાળકો છે અને મારું એક બાળક છ મહિનાનું છે. તેણે મને કહ્યું કે મારા પતિએ મને વેચી દીધી છે અને તે મને બચાવવા માંગે છે.

મુંબઈ આવ્યા બાદ બ્લેકમેલ કરતો હતો

અભિનેત્રીએ વધુમાં કહ્યું હતું કે ચંદ્રશેખરે તેને તેના અંગત જીવન વિશે ઘણી વાતો કહી જે કોઈ જાણતું ન હતું. તેણીએ કહ્યું, "ત્યારબાદ સુકેશે મને ગળે લગાવી અને મને કિસ કરી, પરંતુ હું રૂમમાંથી બહાર નીકળી ગઇ. હું તિહારથી બહાર આવી તે પછી એન્જલે મને 2 લાખ રૂપિયા આપ્યા. તેણે તેની ઘડિયાળ પણ ઉતારી અને મને આપી. અભિનેત્રીએ કોર્ટમાં જણાવ્યું કે મુંબઈ પરત ફર્યા બાદ તેને બ્લેકમેલ કરવામાં આવી હતી અને 8 લાખ રૂપિયાની માંગણી કરવામાં આવી હતી. અભિનેત્રીના નિવેદનના આધારે દિલ્હી પોલીસને શંકા છે કે ચંદ્રશેખરે તેને ફસાવી હતી.