![ABP Premium](https://cdn.abplive.com/imagebank/Premium-ad-Icon.png)
Actress Pregnancy:બોલ્ડ અને બિંદાસ્ત અભિનેત્રી બનવા જઈ રહી છે માતા, અલગ જ અંદાજમાં આપ્યા 'Good News'
ટીવી રિયાલિટી શો 'બિગ બોસ 7'ની વિજેતા ગૌહર ખાને 25 ડિસેમ્બર 2020ના રોજ કોરિયોગ્રાફર ઝૈદ દરબાર સાથે લગ્ન કર્યા હતા. હવે કપલે સોશિયલ મીડિયા પર તેમના પહેલા બાળકની જાહેરાત કરી છે.
![Actress Pregnancy:બોલ્ડ અને બિંદાસ્ત અભિનેત્રી બનવા જઈ રહી છે માતા, અલગ જ અંદાજમાં આપ્યા 'Good News' Gauahar Khan And Zaid Darbar Are Going To Be Parents Soon, Actress Shares Pregnancy Announcement Actress Pregnancy:બોલ્ડ અને બિંદાસ્ત અભિનેત્રી બનવા જઈ રહી છે માતા, અલગ જ અંદાજમાં આપ્યા 'Good News'](https://feeds.abplive.com/onecms/images/uploaded-images/2022/12/20/5f836d259afe2b435a1323ee1e222ac5167155262263081_original.jpg?impolicy=abp_cdn&imwidth=1200&height=675)
Gauhar Khan Pregnancy: ટીવી ઈન્ડસ્ટ્રીની ખૂબ જ ગ્લેમરસ અભિનેત્રી ગૌહર ખાન ટૂંક સમયમાં જ માતા બનવા જઈ રહી છે. અભિનેત્રીએ સોશિયલ મીડિયા પર એક ફની વીડિયો શેર કરીને પોતાની પ્રેગ્નન્સીની જાહેરાત કરી હતી. અભિનેત્રીએ પતિ ઝૈદ દરબાર સાથે મળીને આ ખુશખબર જણાવી હતી. ફેન્સ કોમેન્ટ બોક્સમાં કપલ પર અભિનંદનનો વરસાદ વરસાવી રહ્યાં છે.
ગૌહરના ઘરે પધારશે નવું મહેમાન
ટીવી રિયાલિટી શો 'બિગ બોસ 7'ની વિજેતા ગૌહર ખાને 25 ડિસેમ્બર 2020ના રોજ કોરિયોગ્રાફર ઝૈદ દરબાર સાથે લગ્ન કર્યા હતા. હવે કપલે સોશિયલ મીડિયા પર તેમના પહેલા બાળકની જાહેરાત કરી છે. અભિનેત્રીએ પતિ ઝૈદ દરબારને ટેગ કરતો એનિમેટેડ વીડિયો શેર કર્યો હતો. જેમાં કપલ ટુંકમાં જ બેમાંથી ત્રણ થવાની વાત કરી રહ્યું છે. વીડિયોમાં ઝૈદ અને ગૌહરના જીવનમાં નાના મહેમાનના આગમન વિશે જણાવવામાં આવી રહ્યું છે.
રમુજી વિડિયો શેર કર્યો
વિડીયો શેર કરી ગૌહરે એક સુંદર કેપ્શન પણ લખ્યું હતું- બિસ્મિલ્લા હીર રહેમાન નીર રહીમ... તમારા બધાના પ્રેમ અને પ્રાર્થનાની જરૂર છે.. ♥️ માશા અલ્લાહ! @pixiedustdesign અમારા લગ્નથી લઈને આ સુંદર એવા નવા સફર સુધી અમારૂં શ્રેષ્ઠ કરવાના પ્રયાસો કરી રહ્યાં છીએ.
View this post on Instagram
આ ટીવી સેલેબ્સે કપલને પાઠવ્યા અભિનંદન
બોલ્ડ અને બિંદાસ્ત અભિનેત્રી ગૌહર ખાનને માતા બનવા બદલ ચાહકો અભિનંદન આપી રહ્યા છે. ટીવી સ્ટાર્સ કિશ્વર મર્ચન્ટ, સોફી ચૌધરી, યુવિકા ચૌધરી, કૃતિ ખરબંદાએ પણ કપલને અભિનંદન પાઠવ્યા છે.
ગૌહર ખાનનો OTT પર જલવો
વર્ક ફ્રન્ટ વિશે વાત કરીએ તો વર્તમાનના દિવસોમાં ગૌહર ખાન નાના પડડો ત્યજી વેબ અને OTT પ્લેટફોર્મ પર ધમાલ મચાવી રહી છે. તેના શાનદાર અભિનયને કારણે ગૌહર ખાને તાંડવ, સોલ્ટ સિટી અને બેસ્ટ સેલર સહિતની ઓટીટી સ્પેસ રિલીઝ સાથે પ્રેક્ષકોને પ્રભાવિત કર્યા છે.
ગૌહરની કારકિર્દી વિષે...
તાજેતરમાં નેહા કક્કર અને રોહનપ્રીતે ગાયેલું ગીત 'બારીશ મેં તુમ'માં પતિ ઝૈદ દરબાર સાથે ગૌહર ખાનની કેમેસ્ટ્રીને ખૂબ પસંદ કરવામાં આવી હતી. ગૌહર ખાનના કરિયરની વાત કરીએ તો તેણે ઘણા ટીવી શોમાં કામ કર્યું છે. ગૌહરને સલમાન ખાનના રિયાલિટી શો બિગ બોસ 7 થી જબરદસ્ત લોકપ્રિયતા મળી હતી અને તે આ શો પણ જીતી હતી. આ ઉપરાંત ગૌહર ખાનની ફિલ્મ 'ઈશકઝાદે'માં આઈટમ સોંગ 'છોકરા જવાન રે' અને 'ઝલ્લા-વલ્લા' સુપરહિટ રહ્યા હતા.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)