Upcoming TV Show: 'નાગિન 7'થી લઇને 'કોન બનેગા કરોડપતિ 16' સુધી, અનુપમાની બેન્ડ બજાવશે આ નવી સીરિયલો ?

અમિતાભ બચ્ચનનો શો 'કૌન બનેગા કરોડપતિ' તેની 16મી સિઝન સાથે પરત ફરવા માટે તૈયાર છે

(તસવીર- એબીપી લાઇવ)

Upcoming TV Show: 'અનુપમા' ટીવી સીરિયલ લાંબા સમયથી TRP લિસ્ટમાં નંબર વન રહી છે. પરંતુ હવે આ શૉ સિવાય બીજી ઘણી નવી સીરિયલો શાનદાર વાર્તાઓ સાથે આવી રહી છે. ટીવીની ટીઆરપી લિસ્ટમાં ઘણા શોએ પોતાની ઓળખ બનાવી છે. 'અનુપમા'થી લઈને 'યે રિશ્તા ક્યા કહેલાતા હૈ' સુધી દર્શકોને આ સીરિયલોની સ્ટૉરી ખૂબ જ પસંદ આવે છે. પરંતુ અમે તમને જણાવી દઈએ કે આવતા મહિનામાં બીજા ઘણા નવા શો શરૂ થવા જઈ રહ્યા છે.

અમિતાભ બચ્ચનનો શો 'કૌન બનેગા કરોડપતિ' તેની 16મી સિઝન સાથે પરત ફરવા માટે તૈયાર છે. ચાહકો આ શો જોવા માટે આતુરતાથી રાહ જોઈ રહ્યા છે. આ શોની 16મી સિઝન જુલાઈના મધ્યમાં શરૂ થવાની શક્યતા છે.

રોહિત શેટ્ટીનો સ્ટંટ આધારિત રિયાલિટી શૉ 'ખતરો કે ખિલાડી 14' આ વખતે ચર્ચામાં છે. શોનું શૂટિંગ રોમાનિયામાં ચાલી રહ્યું છે. હાલમાં જ આ શોનો પહેલો પ્રોમો પણ શેર કરવામાં આવ્યો છે. આ શો પણ જુલાઈ મહિનામાં ધમાકેદાર થવા માટે તૈયાર છે.

કલર્સ ચેનલ પર આવતી સીરિયલ 'ડોરી'ને ખૂબ પસંદ કરવામાં આવી હતી. હવે આ શોની બીજી સિઝન પણ ટૂંક સમયમાં આવવાની છે. દર્શકોને શોની સ્ટૉરી ખૂબ જ પસંદ આવી.

ટીવી શો 'દિલ કો તુમસે પ્યાર હુઆ' જલ્દી જ સ્ટાર પ્લસ પર હિટ થવા જઈ રહ્યો છે. આ સીરિયલમાં અક્ષિત સુખીજા અને અદિતિ ત્રિપાઠી એકસાથે ભૂમિકા ભજવતા જોવા મળશે. આ શોનો પ્રોમો પણ રિલીઝ થઈ ગયો છે.

એકતા કપૂરના શો નાગીનની દરેક સિઝન જબરજસ્ત હિટ રહી છે. 'નાગિન 6' બાદ હવે ફેન્સ 'નાગિન 7'ની આતુરતાથી રાહ જોઈ રહ્યા છે. ઉપરાંત ચાહકો એ જોવા માટે ઉત્સુક છે કે આ વખતે નાગિન સીરિયલમાં કઈ અભિનેત્રીને નાગિન બનવાની તક મળશે.

ફરમાન હૈદર અને યશા હરસોરા સ્ટારર ટીવી સીરિયલ 'ખૂબસુરત' પણ કલર્સ ચેનલ પર દસ્તક આપવા જઈ રહી છે. આ શોની સ્ટૉરી જોતા એવું માનવામાં આવે છે કે આ શો અન્ય સીરિયલોને પણ ટક્કર આપી શકે છે.

આ સિવાય કલર્સ ચેનલ પર 'મેઘા બરસેંગે' ટીવી શો પણ શરૂ થવા જઈ રહ્યો છે. ચાહકોને પણ આ સીરિયલનો પ્રોમો ઘણો પસંદ આવ્યો છે. તમને જણાવી દઈએ કે આ સીરિયલમાં નેહા રાણા અને કિંશુક મહાજન જોવા મળવાના છે.

મેઘા ​​ચક્રવર્તી, નમિશ તનેજા અને શ્રુતિ બિષ્ટ સ્ટારર ટીવી શો 'મિશ્રી'ની પણ જાહેરાત કરવામાં આવી છે. આ શો 3જી જુલાઈથી કલર્સ ચેનલ પર આવી રહ્યો છે. હવે જોવાનું એ રહેશે કે આ સીરિયલોના આવવાથી અન્ય શોની ટીઆરપી પર શું અસર પડે છે.