'પ્યાર કા પંચનામા' ફેમ Sonnalli Seygall લેશે સાત ફેરા, જાણો કોણ છે એક્ટ્રેસનો વરરાજા?
Sonnaali Seygall wedding: 'પ્યાર કા પંચનામા' ફેમ અભિનેત્રી સોનાલી સેગલ વિશે એવા અહેવાલો છે કે તે તેના લાંબા સમયથી બોયફ્રેન્ડ આશિષ સાથે 7 જૂને એક ગુપ્ત સમારોહમાં લગ્ન કરવા જઈ રહી છે.
Sonnaali Seygall wedding: 'પ્યાર કા પંચનામા' ફેમ અભિનેત્રી સોનાલી સેગલના અંગત જીવન વિશે સમાચાર સામે આવી રહ્યા છે. અહેવાલો અનુસાર સોનાલી તેના બોયફ્રેન્ડ આશિષ સજનાની સાથે આજે એટલે કે 7 જૂને લગ્ન કરવા જઈ રહી છે. સોનાલી અને આશિષ છેલ્લા 5-6 વર્ષથી રિલેશનશિપમાં છે. જોકે બંને ક્યારેય પોતાના સંબંધો વિશે ખુલીને વાત કરતા નથી.
View this post on Instagram
પ્રાઇવેટ સેરેમનીમાં થશે લગ્ન
હિંદુસ્તાન ટાઈમ્સના અહેવાલ મુજબ સોનાલી સહગલ ટૂંક સમયમાં તેની નવી જિંદગી શરૂ કરવા જઈ રહી છે. સોનાલી ઘણા સમયથી આશિષને ડેટ કરી રહી છે. આશિષ એક બિઝનેસમેન છે. તેની ઘણી હોટલ છે. લાંબા સમય સુધી ડેટ કર્યા બાદ બંનેએ પોતાના સંબંધોને આગળ વધારવાનું વિચાર્યું છે. 7 જૂન, 2023ના રોજ બંને ખાનગી સમારંભોમાં સાત ફેરા લેશે.
5 જૂને મહેંદી સેરેમની યોજાઈ હતી
સોનાલી અને આશિષ સાથે સંકળાયેલા એક સૂત્રએ પોર્ટલને જણાવ્યું કે બંને બપોરે લગ્ન કરશે. લગ્નમાં નજીકના લોકો જ હાજરી આપશે. સૂત્રએ એમ પણ જણાવ્યું કે તેમની પ્રી-વેડિંગ સેલિબ્રેશન શરૂ થઈ ગયું છે. તેની મહેંદી સેરેમની 5મી જૂને યોજાઇ હતી.
View this post on Instagram
કપલ લગ્ન ગુપ્ત રાખવા માંગે છે
રિપોર્ટ્સ અનુસાર સોનાલી લગ્ન પછી પણ મીડિયા સાથે વાત કરવા માંગતી નથી અને ન તો તે પોતાના સંબંધો વિશે કોઈને જણાવવા માંગે છે. અહેવાલો અનુસાર સોનાલી તેના લગ્નને ગુપ્ત રાખવા માંગતી હતી અને તેના ચાહકોને સરપ્રાઈઝ આપવા માંગતી હતી. આ પહેલા પણ હિન્દુસ્તાન ટાઈમ્સે અહેવાલ આપ્યો હતો કે બંને પોતાના અંગત જીવન વિશે કોઈને જણાવવા માંગતા નથી. પોર્ટલે એક સ્ત્રોતને ટાંકીને જણાવ્યું હતું કે, "તેઓ લગભગ ચાર-પાંચ વર્ષથી એકબીજાને ડેટ કરી રહ્યાં છે. તેઓએ પોતાના સંબંધોને ગુપ્ત રાખ્યા છે કારણ કે બંને નથી ઈચ્છતા કે તેમના અફેરની ચર્ચા થાય. સોનાલીએ હંમેશા પોતાના અંગત જીવનને ખાનગી રાખવાનો પ્રયાસ કર્યો છે અને તે ઈચ્છે છે કે તે પોતાના કામ પર ધ્યાન આપે. સાથે હેંગઆઉટ કરવા છતાં તેઓ સોશિયલ મીડિયા પર એક જ ફ્રેમમાં રહેવાનું ટાળવાનો પ્રયાસ કરે છે.
સોનાલીની ફિલ્મી કરિયર
તમને જણાવી દઈએ કે સોનાલીએ વર્ષ 2011માં 'પ્યાર કા પંચનામા'થી પોતાના બોલિવૂડ કરિયરની શરૂઆત કરી હતી. આ ફિલ્મ લવ રંજને ડિરેક્ટ કરી હતી. આ પછી સોનાલી 'પ્યાર કા પંચનામા 2'માં પણ જોવા મળી હતી. અભિનેત્રીએ 'વેડિંગ પુલાવ'માં પણ કામ કર્યું હતું. સોનાલી થોડા સમય પહેલા સલમાન ખાન સાથે થમ્સ અપની એડમાં પણ જોવા મળી હતી.
ટ્રેન્ડિંગ સમાચાર
ટોપ સ્ટોરી
