Adah Sharma Health Update: રોડ એક્સિડન્ટ બાદ 'ધ કેરલા સ્ટોરી' એક્ટ્રેસ અદા શર્માએ કર્યું ટ્વિટ, આપ્યું હેલ્થ અપડેટ

Adah Sharma Health Update: 'ધ કેરલા સ્ટોરી' એક્ટ્રેસ અદા શર્મા રોડ અકસ્માતનો શિકાર બની હતી. હવે તેણે ટ્વિટ કરીને ચાહકોને તેના સ્વાસ્થ્ય વિશે અપડેટ આપ્યું છે. તેણે કહ્યું કે તે સંપૂર્ણપણે સ્વસ્થ છે.

Adah Sharma

Adah Sharma Health Update: બોલિવૂડ એક્ટ્રેસ અદા શર્મા તેની ફિલ્મ 'ધ કેરલા સ્ટોરી'ની સફળતાનો આનંદ માણી રહી છે. આ દરમિયાન અભિનેત્રી અને દિગ્દર્શક સુદીપ્તો સેન 14 મેના રોજ હિંદુ એકતા યાત્રામાં ભાગ લેવા માટે કરીમનગર જવાના હતા. જો કે તે દરમિયાન તેમનો એક્સિડન્ટ થયો હતો. હવે અદા શર્માએ સોશિયલ મીડિયા પર એક પોસ્ટ શેર કરીને ચાહકોને તેની હેલ્થ અપડેટ આપી છે.

I'm fine guys . Getting a lot of messages because of the news circulating about our accident. The whole team ,all of us are fine, nothing serious , nothing major but thank you for the concern ❤️❤️

— Adah Sharma (@adah_sharma) May 14, 2023

અદા શર્માએ ચાહકોને તેના સ્વાસ્થ્ય વિશે અપડેટ આપ્યું હતું

અદા શર્માએ ટ્વિટ કર્યું જેમાં તેણે લખ્યું, 'મિત્રો હું ઠીક છું. અમારા અકસ્માતને લઈને જે સમાચાર પ્રસારિત થઈ રહ્યા છે તેના કારણે અનેક સંદેશાઓ મળી રહ્યા છે. આખી ટીમ અને અમે બધા ઠીક છીએ. ગંભીર કંઈ નથી. તમે બધાએ અમારા વિશે વ્યક્ત કરેલી ચિંતા બદલ આભાર.

Today we're supposed to visit Karimnagar to talk about our film at a youth gathering. Unfortunately we could not travel due some emergency health issue. Heartfelt apology to the people of Karimnagar. We made the film to save our daughters. Pls keep supporting us #HinduEkthaYatra pic.twitter.com/LUr2UtQWfj

— Sudipto SEN (@sudiptoSENtlm) May 14, 2023

સુદીપ્તો સેને અકસ્માત અંગે માહિતી આપી હતી

આ પહેલા 'ધ કેરલા સ્ટોરી'ના ડાયરેક્ટરે માર્ગ અકસ્માત અંગે માહિતી આપી હતી. તેણે ટ્વીટ કરીને લખ્યું, 'આજે અમે યુવા મેળાવડામાં અમારી ફિલ્મ વિશે વાત કરવા કરીમનગર જઈ રહ્યા હતા, પરંતુ કમનસીબે સ્વાસ્થ્ય સંબંધી સમસ્યાને કારણે અમે મુસાફરી કરી શક્યા નહીં. હું કરીમનગરની જનતાની દિલથી માફી માંગુ છું. અમે અમારી દીકરીઓને બચાવવા માટે ફિલ્મ બનાવી છે. કૃપા કરીને અમને સપોર્ટ કરતા રહો. #હિન્દુ એકતા યાત્રા.

'ધ કેરલા સ્ટોરી'ની 100 કરોડ ક્લબમાં એન્ટ્રી

જણાવી દઈએ કે અદાહ શર્માની ફિલ્મ ધ કેરળ સ્ટોરીએ બોક્સ ઓફિસ પર ધૂમ મચાવી છે. આ ફિલ્મ શનિવારે 100 કરોડ ક્લબમાં સામેલ થઈ ગઈ છે. વર્ષ 2023ની આ ચોથી ફિલ્મ છે, જેણે 100 કરોડનો આંકડો સ્પર્શ કર્યો છે. આ ફિલ્મનું નિર્દેશન સુદીપ્તો સેને કર્યું છે અને વિપુલ શાહ નિર્માતા છે.