‘વૉર’ ફિલ્મમાં એક્શન સીન્સ માટે રિતિક-ટાઈગરે ઉઠાવ્યું મોટું રિસ્ક, 300 ફૂટની ઉંચાઈથી લગાવી છલાંગ !

ફિલ્મ ‘વૉર’ના નિર્દેશક સિદ્ધાર્થ આનંદે જણાવ્યું કે રિતિકે ફિલ્મ માટે અસાધારણ જોખમ ઉઠાવ્યું હતું. ફિલ્મમાં રિતિકે પોર્ટૂગલના શહેર પોટરેમાં એક પુલ પરથી 300 ફૂટ નીચે છલાંગ મારતા જોઈ શકાશે.

મુંબઈ: ફિલ્મોમાં જોરદાર સ્ટંટથી દર્શકોને આકર્ષવા માટે એક્ટર્સ ઘણીવાર મોટા મોટા રિસ્ક લેતા હોય છે. તેવી જ રીતે ફિલ્મ ‘વૉર’ માટે રિતિક અને ટાઈગર શ્રોફે મોટું જોખમ ઉઠાવ્યું હતું. ફિલ્મ ‘વૉર’ના નિર્દેશક સિદ્ધાર્થ આનંદે જણાવ્યું કે રિતિકે ફિલ્મ માટે અસાધારણ જોખમ ઉઠાવ્યું હતું. સિદ્ધાર્થ આનંદે ફિલ્મના શૂટિંગને લઈને જણાવ્યું કે, “વાત જ્યારે એક્શનની આવે છે ત્યારે ભારતમાં રિતિક કરતા બહેતર એક્શન સુપરસ્ટાર કોઈ નથી. પોતાના પ્રદર્શનને વધુ શાનદાર કરવા અને દેશમાં એક્શન ફિલ્મોને આગળ લઈ જવાની પોતાની કમિટમેન્ટના કારણે જ તે સૌનો પ્રિય એક્શન સુપરસ્ટાર છે. તેમણે આગળ કહ્યું કે, ‘વૉર’માં રિતિકે શાનદાર પ્રદર્શન કર્યું છે અને દર્શકોને એવો શાનદાર અનુભવ પ્રદાન કરશે કે જે તેઓએ પહેલા ક્યારેય નહીં જોયો હોશે. તેમણે અસાધારાણ જોખમ ઉઠાવ્યું છે. ફિલ્મમાં રિતિકે પોર્ટૂગલના શહેર પોટરેમાં એક પુલ પરથી 300 ફૂટ નીચે છલાંગ મારતા જોઈ શકાશે.

સિદ્ધાર્થ આનંદે જણાવ્યું કે ‘વૉર’દર્શકો માટે એવી ફિલ્મ તૈયાર કરવામાં આવી છે જે એક્શન મામલે ખૂબજ શાનદાર હશે. હા, એક મોટા આઈસ-બ્રેકિંગ શિપ પર અમે રિતિક અને ટાઈગર વચ્ચે જબરજસ્ત એક્શન દ્રશ્ય ફિલ્માવ્યું છે. ‘વૉર’ ફિલ્મનું શૂટિંગ 7 વિવિધ દેશો અને દુનિયાના 15 શહેરોમાં કરવામાં આવ્યું છે. યશરાજ ફિલ્મ્સ દ્વારા પ્રોડ્યૂસ કરવામાં આવેલી આ ફિલ્મ 2 ઓક્ટોબરે હિંદી, તમિલ અને તેલુગૂ ભાષામાં રિલીઝ થશે.