'તારક મહેતા...'ની 'બાવરી'એ કર્યો શોકિંગ ખુલાસો, વજન ઓછું કરવા 20 દિવસનું આપ્યું હતું અલ્ટિમેટમ, લેવા પડ્યા હતા ઇન્જેકશન
Monika Bhadoriya: મોનિકા ભદોરિયા તારક મહેતા શોના મેકર્સ વિશે સતત ખુલાસા કરી રહી છે. ત્યારે અભિનેત્રીએ હવે કહ્યું છે કે તેને 20 દિવસમાં વજન ઘટાડવાનું અલ્ટીમેટમ આપવામાં આવ્યું હતું.
Monika Bhadoriya: 'તારક મહેતા કા ઉલ્ટા ચશ્મા' એવો એક શો છે જે દરેકને રોજ હસાવે છે. જો કે આ દિવસોમાં આ લોકપ્રિય ટીવી શો વિવાદોમાં ઘેરાયેલો છે. આ શોના કેટલાક ભૂતપૂર્વ કલાકારોએ તારક મહેતાના નિર્માતાઓ પર ઘણા આરોપો લગાવ્યા છે. જેનિફર મિસ્ત્રી બંસીવાલ પછી, મોનિકા ભદૌરિયાએ સેટ પર કામ કરતી વખતે જે યાતનાઓનો સામનો કરવો પડ્યો હતો તેના વિશે ખુલીને વાત કરી છે. તેના લેટેસ્ટ ઈન્ટરવ્યુમાં મોનિકાએ ખુલાસો કર્યો કે તેને કેવી રીતે વજન ઘટાડવાનું કહેવામાં આવ્યું. તેણે કહ્યું કે શો છોડનાર દરેક અભિનેતાને કોઈને કોઈ થેરાપીની જરૂર હોય છે.
20 દિવસમાં વજન ઉતારવાનું આપ્યું હતું અલ્ટિમેટમ
મોનિકા ભદોરિયાના નિવેદન છેલ્લા કેટલાક સમયથી મનોરંજનની દુનિયામાં વાયરલ થઈ રહ્યા છે. તેણે લોકપ્રિય તારક મહેતા કા ઉલ્ટા ચશ્મામાં કામ કરવાના તેના અનુભવ વિશે વિગતવાર વાત કરી છે. બીજી તરફ બોલિવૂડ લાઈફના અહેવાલ મુજબ અભિનેત્રીએ હવે ખુલાસો કર્યો છે કે તેને 20 દિવસમાં વજન ઘટાડવા માટે કહેવામાં આવ્યું હતું. અભિનેત્રીએ જણાવ્યું કે સોહેલ રામાણીએ તેને ઓફિસમાં બોલાવી હતી. જો કે તે ઓફિસમાં નહોતા. એક એકાઉન્ટન્ટ હતો જેણે તેને કહ્યું કે તેનું વજન વધુ છે જેના લીધે તે પ્રેગ્નેન્ટ હોય તેવું લાગે છે. આ સાંભળીને હું ચોંકી ગઈ હતી. ત્યારપછી સોહેલ સર આવ્યા હતા અને મને ફક્ત 20 જ દિવસમાં વજન ઓછું ઘટાડવાનું અલ્ટીમેટમ આપ્યું હતું.
વજન ઘટાડવાના પ્રયાસમાં મોનિકા બીમાર પડી હતી
મોનિકા ભદોરિયાએ જણાવ્યું કે આ પછી તેણે કહ્યું હતું કે તેને પ્રોફેશનની મદદ લેવા માટે પૈસા ચૂકવવા જોઈએ. પરંતુ અભિનેત્રીના કહેવા મુજબ રમાણીએ ના પાડી દીધી હતી. જ્યારે તેણીએ પોતાનું વજન ઘટાડવાનો પ્રયાસ કર્યો, ત્યારે તે બીમાર પડી અને વિટામિનની ઉણપ થઈ ગઈ. તારક મહેતા કા ઉલ્ટા ચશ્માની પૂર્વ અભિનેત્રી મોનિકાએ જણાવ્યું કે તે સમયે તેની તબિયત બગડી હતી અને તેને ઈન્જેક્શન લેવા પડ્યા હતા જે ખૂબ જ પીડાદાયક હતા. 20 દિવસ પછી અભિનેત્રીએ તેમને ફોન કરવાનું વિચાર્યું . આ દરમિયાન તે એક મહિના પછી ઘરે ગઈ અને બે-ત્રણ મહિના પછી કામ પર પરત ફરી હતી. પરંતુ તે દરમિયાન સોહેલે એક વખત પણ તેનો કોલ રિસીવ કર્યો ન હતો. મોનિકા ભદોરિયાનો દાવો છે કે આ બધું તેને ટોર્ચર કરવા માટે કરવામાં આવ્યું હતું.
તારક મહેતા શો છોડનારાઓને ઉપચારની જરૂર છે
મોનિકા આગળ કહે છે કે તારક મહેતા કા ઉલ્ટા ચશ્મા એટલો લોકપ્રિય શો છે કે કોઈ તેને છોડવા માંગતું નથી અને તેથી કલાકારો ઘણીવાર પોતાને દબાણ કરે છે. જો કે તેણી ટૂંક સમયમાં સ્વાસ્થ્ય સમસ્યાઓથી પીડાવા લાગી અને વિટામિન B12 ની ઉણપ થઈ, જેના કારણે તે યોગ્ય રીતે જોઈ શકતી ન હતી. સેટ પર પણ તે બેહોશ થઈ જતી હતી. એટલા માટે ડોક્ટરે તેને સારવાર માટે હોસ્પિટલમાં દાખલ થવા કહ્યું હતું.
મોનિકા તેને ખૂબ જ ખરાબ જગ્યા તરીકે વર્ણવે છે અને દાવો કરે છે કે જેઓ આ શોમાંથી નીકળી ગયા છે તેમને ઉપચારની જરૂર પડશે. મોનિકા કહે છે, "અભિનેતાઓ શો છોડી દે છે, તેઓ આધ્યાત્મિકતા સાથે જોડાય છે, તેમને શોમાં કામ કરતી વખતે જે યાતનાઓમાંથી પસાર થવું પડ્યું છે તેની સારવારની જરૂર છે."
ટ્રેન્ડિંગ સમાચાર
ટોપ સ્ટોરી
