અહીં ઓનલાઈન મળી રહ્યો છે Jio Phone, સાથે મળી રહી છે આ મોટી ઓફર

એક વખત ડિવાઈસ મળ્યા બાદ ગ્રાહકે ડિવાઈસને એક્ટિવ કરવા માટે પેકેજિંગ બોક્સ અને આધાર કાર્ડની સાથે પોતાની નજીકના જિઓ સ્ટોર અથવા રિલાયન્સ ડિજિટલ આઉટલેટ પર જવું પડશે.

નવી દિલ્હીઃ વિતેલા વર્ષે ઓગસ્ટમાં લોન્ચ થયેલ રિલાયન્સ જિઓના 4જી ફીચર ફોને બજારમાં આવતા જ તહેલકો મચાવ્યો હતો. જ્યારે આ વર્ષે 49 રૂપિયાના માસિક પ્લાને આ ફોનને લઈને ઉત્સુકતા વધારી દીધી છે. અત્યાર સુધી જિઓ ફોન રિલાયન્સ જિઓની વેબસાઇટ અથવા રિલાયન્સ ડિજિટલ સ્ટોર પર ઉપલબ્ધ હતો. પરંતુ હવે આ ફોન ઈકોમર્સ વેબસાઇટ પર પણ મળવાનો શરૂ થઈ ગયો છે. તમને જણાવીએ કે, આ ફોન પહેલા જ વેબસાઇટ પર લિસ્ટ થયો હતો. પરંતુ હવે કંપનીએ હવે તેને સત્તાવાર લિસ્ટ કર્યો છે.