ભારતીય બજારમાં લોન્ચ થયો સૌથી પાતળો સ્માર્ટફોન Moto Z અને Moto Z પ્લે

નવી દિલ્હીઃ લિનોવો ઓન્ડ કંપની મોટોરોલાએ પોતાનો નવો મોસ્ટ અવેટેડ સ્માર્ટફોન મોટો z અને મટો z પ્લે ભારતમાં લોન્ચ કર્યો છે. મોટો zની કિંમત 39,999 રૂપિયા અને મોટો z પ્લેની કિંમત ભારતમાં 24,999 રૂપિયા હશે. આ સ્માર્ટપોન એમેઝોન અને ફ્લિપકાર્ટ પર 17 ઓક્ટોબરથી વેચાણ માટે ઉપલબ્ધ હશે.

Moto Z 5.2mm જાડાઈસાથે વિશ્વનો સૌથી પાતળો સ્માર્ટફોન છે. Moto Zના ફીચરની વાત કરીએ તો 5.5 ઇંચની ડિસ્પ્લે છે. જેનું રિઝોલ્યૂશન 2560 X 1440 પિક્સલ છે. પ્રોસેસરની વાત કરીએ તો તેમાં 2.2GHz ક્વાલકોમ સ્નેપડ્રેગન 820 ક્વાર્ડ કોર છે. ગ્રાફિક સપોર્ટ માટે એડ્રિનો 530 જીપીયુ આપવામાં આવ્યું છે. આ ફોન 4GB રેમની સાથે સજ્જ છે. ઇન્ટરનલ સ્ટોરેજની દૃષ્ટિએ આ ફોન 32 જીબી અને 64 જીબી એમ બે વિકલ્પની સાથે આવે છે. જેને એસડી કાર્ડની મદદથી 2 ટીબી સુધી વધારી શકાય છે. ફોનમાં 2,600mAhની બેટરી ક્ષમતા છે.