કોંગ્રેસ પ્રમુખ અમિત ચાવડાને કટ ટુ સાઈઝ કરવા નિમાશે 4 કાર્યકારી પ્રમુખ, જાણો ક્યા ઝોનમાં કોની થઈ શકે નિમણૂક?

કોંગ્રેસનાં સૂત્રોના જણાવ્યા પ્રમાણે આ ચાર કાર્યકારી પ્રમુખો તરીકે અત્યારે અલ્પેશ ઠાકોર (ઉત્તર ગુજરાત), વીરજી ઠુમર (સૌરાષ્ટ્ર-કચ્છ), જીતુભાઈ ચૌધરી (દક્ષિણ ગુજરાત) તથા અક્ષય પટેલ (મધ્ય ગુજરાત)ની વરણી થઈ શકે છે. કોંગ્રેસ આ વખતે યુવા ચહેરાઓને આગળ કરવા માગે છે તેથી આ ચાર ધારાસભ્યોને તક મળશે.

કોંગ્રેસના કાર્યકારી પ્રમુખો તરીકે નિમાનારા નેતાઓ પક્ષના વરિષ્ઠ અને સિનિયર અગ્રણીઓ હશે જેથી સંગઠન સુચારુ રૂપે ચાલી શકે. આ જાહેરાત થતાં જ કોંગ્રેસના નેતાઓએ લોબિઈંગ શરૂ કરી દીધું છે. આ અંગેનો અંતિમ નિર્ણય ગુજરાત પ્રદેશ પ્રભારી રાજીવ સાતવ તથા મહામંત્રી અશોક ગેહલોત લેશે.

આ ઉપરાંત સંગઠનમાં નિમણૂકોને મંજૂરી અપાઈ છે. આ મંજૂરી દ્વારા પ્રદેશ પ્રમુખ અમિત શાહની પાંખો કાપી નંખાશે કેમ કે રાહુલ ગાંધીએ ચાર કાર્યકારી પ્રમુખ નિમવા સૂચના આપી છે. પ્રદેશ પ્રમુખનો ભાર હળવો કરવાના નામે 4 નવા કાર્યકારી પ્રમુખો નિમાશે પણ વાસ્તવમાં તેની પાછળ અમિત ચાવડાને વેતરી નાંખવાની ગણતરી છે.

અમદાવાદઃ લોકસભાની 2019ની ચૂંટણી જીતવા કોંગ્રેસે જોરશોરથી તેની તૈયારીઓ શરૂ કરી દીધી છે. ગુજરાતમાં કોંગ્રેસ આ વખતે ભાજપને પછાડવા માગે છે ત્યારે તેના ભાગરૂપે દિલ્હીમાં ગુજરાત પ્રદેશ કોંગ્રેસની બેઠક મળી હતી. આ બેઠકમાં લોકસભા ચૂંટણીની તૈયારીઓની સમિક્ષા કરવામાં આવી હતી.