ગુજરાતની 26 સીટ પર ખીલ્યું કમળ, જાણો કોણ કેટલી સરસાઇથી જીત્યું

Background

અમદાવાદઃ લોકસભા ચૂંટણીમાં ગુજરાતમાં 2014નું જ પુનરાવર્તન થયું હતું. 2014ની જેમ આ વખતે પણ રાજ્યની તમામ 26 બેઠકો પર ભાજપનો ભગવો લહેરાયો હતો. દેશની હાઇપ્રોફાઇલ બેઠક પૈકીની એક ગાંધીનગર સીટ પરથી ભાજપ અધ્યક્ષ અમિત શાહનો સાડા પાંચ લાખ કરતા વધુ વોટથી વિજય થયો હતો.

23:36 PM (IST)  •  23 May 2019

લોકસભા ચૂંટણીમાં ગુજરાતમાં 2014નું જ પુનરાવર્તન થયું હતું. 2014ની જેમ આ વખતે પણ રાજ્યની તમામ 26 બેઠકો પર ભાજપનો ભગવો લહેરાયો હતો. દેશની હાઇપ્રોફાઇલ બેઠક પૈકીની એક ગાંધીનગર સીટ પરથી ભાજપ અધ્યક્ષ અમિત શાહનો સાડા પાંચ લાખ કરતા વધુ વોટથી વિજય થયો હતો.

23:22 PM (IST)  •  23 May 2019

ગુજરાતની હાઇપ્રોફાઇલ બેઠક ગાંધીનગરથી અમિત શાહે કોંગ્રેસના સી.જે.ચાવડાને 5,57,014 રેકોર્ડ મતથી હરાવ્યા. 2014માં આ બેઠક પરથી અડવાણી 4,83,121 મતથી જીત્યા હતા.

23:21 PM (IST)  •  23 May 2019

રાજકોટ બેઠક પરથી ભાજપના મોહનભાઈ કુંડારિયાનો ભવ્ય વિજય થયો હતો. તેમણે કોંગ્રેસના ઉમેદવાર લલિત કગથરાને 3,68,407 મતથી હાર આપી હતી. 2014માં કુંડારિયાએ 2,46,428 મતથી જીત મેળવી હતી.

23:22 PM (IST)  •  23 May 2019

વડોદરા બેઠક પરથી રંજનબેન ભટ્ટે કોંગ્રેસના પ્રશાંત પટેલને 5,84,915 મતથી પછાડ્યા. 2014માં આ બેઠક પરથી નરેન્દ્ર મોદી 5,70,128 મતથી જીત્યા હતા. બાદમાં તેમણે વારાસણી બેઠક જાળવી રાખવાનો નિર્ણય કર્યો હતો. જેના કારણે આ બેઠક ખાલી પડી હતી અને પેટાચૂંટણીમાં રંજનબેન ભટ્ટનો વિજય થયો હતો.

23:16 PM (IST)  •  23 May 2019

નવસારી બેઠક પરથી સી.આર.પાટીલે જીતની હેટ્રિક લગાવી. પાટીલે કોંગ્રેસના ધર્મેશ પટેલને 6,89,668 મતના જંગી અંતરથી હાર આપી રેકોર્ડ સર્જ્યો. 2014માં પાટીલે 5,58,116 મતથી જીત મેળવી હતી.