ગુજરાત કોંગ્રેસના ક્યા દિગ્ગજ નેતાનો ભાઈ દારૂની 54 બોટલ સાથે ઝડપાયો? 10 દિવસ ખાવી પડી જેલની હવા

પોલીસે આ બંનેને કોર્ટમાં રજૂ કરી રિમાન્ડ મેળવ્યા હતા. જે પૂરા થતાં તેઓને નવસારી જ્યુડિ. કસ્ટડીમાં મોકલી આપ્યા હતા. મંગળવારે આ બંનેએ જામીન માટે વલસાડ કોર્ટમાં અરજી કરી હતી, જે કોર્ટે માન્ય રાખી બંનેના જામીન મંજૂર કર્યા હતા.

કારમાં સવાર બે વ્યક્તિ બ્રિજેશ મનહર ઠક્કર અને પ્રશાંતકુમાર જશવંતસિંહ ચાવડા વાપીથી દારૂ ભરીને બોરસદ લઈ જતાં હતા. પોલીસે આ બંનેની ધરપકડ કરી ડુંગરી પોલીસ ચોકીમાં ગુનો નોંધ્યો હતો. પોલીસે 1.5 લાખ રૂપિયાની કાર, 27000 રૂપિયાનો દારૂ અને 10 હજારના બે મોબાઈલ મળી કુલ 1.87 લાખ રૂપિયા મુદ્દામાલ જપ્ત કર્યો હતો.