સુરેન્દ્રનગરઃ માતા સાથે સેક્સ સંબંધ રાખનાર પુરુષને પુત્રે માથામાં હથોડાના ઘા મારી પતાવી દીધો

સુરેન્દ્રનગરઃ શહેરના મેલડી પરા વિસ્તારમાં રહેતા આધેડ ગઈ કાલે બાઇક પર જતાં હતા, ત્યારે પાંચ શખ્સોએ તેમને આતરીને ઝઘડો કર્યો હતો અને આ પછી એક યુવકે આધેડને માથામાં હથોડાના ઘા મારીને હત્યા કરી નાંખી હતી. આ ઘટનામાં અનેક ચોંકાવનારી વિગતો સામે આવી રહી છે. મૃતક રામસંગભાઈ ઠાકોરને આરોપીની માતા સાથે અનૈતિક સંબંધો હતો. જેની જાણ પુત્રને થતાં આધેડની હત્યા કરી નાંખી હોવાનું સામે આવ્યું છે.

પોલીસને પ્રાથમિક તપાસમાં જાણવા મળ્યું છે કે, રામસંગભાઈ અને નરેન્દ્રની માતાને અનૈતિક સંબંધો હતો. જેની જાણ નરેન્દ્રને થતાં તેણે માતા સાથે ઝઘડો કર્યો હતો અને આ પછી તેમની વચ્ચે અબોલા થઈ ગયા હતા. દરમિયાન નરેન્દ્રએ પોતાના મિત્રો સાથે મળીને રામસંગભાઈને ઠાર કરવાનું કાવતરું ઘડી કાઢ્યું હતું. જેને ગઈ કાલે અંજામ આપ્યો હતો.