વાઘાણીનો વિરોધ, પાસના યુવાનોની ફરિયાદઃ વાઘાણીના જૂના ડ્રાઈવરે ગુપ્તાંગ પર મારી સોનાની ચેન લૂંટી લીધી

ભાવનગરઃ ભાવનગરમાં ભાજપ પ્રદેશ પ્રમુખ જીતુ વાઘાણીના સન્માન સમારોહમાં વિરોધ કરનારા પાસના બે યુવાનોએ જીતુ વાઘણીના ભૂતપૂર્વ ડ્રાઈવર ઉપરાંત આઠ પોલીસો સામે સોનાની ચેઈન લૂંટી લીધી હોવાની અને ગુપ્તાંગ પર ફટકારીને ઈજા પહોંચાડી હોવાની ફરિયાદ નોંધાવી છે.

ભાવનગરમાં લો કોલેજના ગ્રાઉન્ડમાં જીતુ વાઘાણીના સન્માન સમારોહ દરમિયાન નારી ગામના કેયુર મોરડીયા અને અંકીત ભીસરા નામના બે યુવાનોએ પ્રદેશ પ્રમુખ અને ભાજપ વિરૂદ્ધ સૂત્રોચ્ચાર કર્યો હતો. એ વખતે પોલીસ તથા બીજા લોકોએ તેમને સમારોહમાંથી ઉઠાવીને બહાર કાઢ્યા હતા.