નર્મદાઃ 1.19 કરોડની 500 અને 1000 ની નોટ સાથે 4 લોકોની ધરપકડ

પોલીસે ઇનોવા ગાડીની તલાશી લેતાં ડિક્કીમાં બે કોથળામાં જૂની 1000 અને 500ની ચલણી નોટો મળી આવી હતી. ગાડીમાં સવાર સુરતના પુર્ણાના રહેવાસી ગુણવંત રતિલાલ પટેલને કેવડીયા પોલીસ સ્ટેશન ખાતે લવાયા હતાં. બનાવની જાણ થતાં ડીવાયએસપી આર એમ ભદોરિયા પણ કેવડીયા આવી પહોંચ્યાં હતાં. SBI ના કર્મીને બોલાવી કોથળામાં રહેલી નોટો ગણાવતા 1.19 કરોડ રૂપિયા નીકળ્યાં હતાં. ખેડૂત પાસે આટલી મોટી રકમ આવી કયાંથી તેની તપાસ શરૂ કરવામાં આવી છે.

કેવડિયા કોલોનીથી સુરત જતી ગાડીમાં મોટી રકમ હોવાનીબાતમી કેવડિયાના પી.આઇ. ડી.વી. પ્રસાદને મળી હતી. પીઆઇની સાથે કોન્સ્ટેબલ ઉમેશ પારેખ, મુનીર ગરાસિયા અને શાંતિલાલ સહિતની પોલીસ ટીમે શંકાસ્પદ ઇનોવા ગાડીનો પીછો કરી તેને ફૂલવાડી ગામ નજીક અટકાવી હતી.